Cronfa'r Maer

Cost bwydo a dilladu un plentyn am wythnos fyddai 13s 6c. Felly, amcangyfrifwyd y byddai angen codi dros £2,000 ar gyfer y gronfa gymorth er mwyn cynnal y plant am oddeutu 40 o wythnosau. I'r perwyl hwn, anfonodd y maer 600 o lythyrau'n apelio am gefnogaeth a chymorth.

Yn ystod yr wythnosau dilynol, codwyd arian o bob rhan o'r gymuned.

Rhoddodd Clwb Rotari Abertawe £100. Rhoddodd Cymdeithas Llafur Abertawe £20 bob pythefnos.  Un o'r cymwynaswyr mwyaf yn Abertawe oedd y capeli anghydffurfiol a roddodd yr enillion o'u casgliadau ar y Sul.

Casglwyd rhoddion o gyfarfodydd ar y traeth ac o'r torfeydd a dyrrodd ar y strydoedd yn ystod ymweliad y Brenin ag Abertawe ar 14 Gorffennaf, 1937.

Penderfynwyd agor Tŷ Parc Sgeti hefyd i ymwelwyr ar ddydd Sadwrn a dydd Sul. Roedd dau ddiben i'r ymweliadau hyn. Yn gyntaf, roedd yn gyfle arall i gasglu rhoddion gan ddymunwyr da ac yn ail, roedd yn helpu i gadw sylw'r cyhoedd ar helynt y ffoaduriaid.

► Darllenwch am Gapten David "Potato" Jones a'i orchestion yn Sbaen a Ffrainc ...