Atodiad A - Ysgolion y mae'r cynnig hwn yn effeithio arnynt: Ysgol Gynradd Cadle

Adran 1: Newid/datblygiad STF arfaethedig

Adran 2: Data cyd-destunol yr ysgol

Adran 3: Gwerthusiad o'r trefniadau presennol

Adran 4: Effaith ar ddisgyblion

Adran 5: Effaith ar staffio

Adran 6: Effaith ar gyllideb a chapasiti'r ysgol

Adran 7: Heriau, mesurau lliniaru a manteision

Adran 8: Manylebau STF

Adran 9: Hysbysiad Statudol

Adran 10: Dyddiad gweithredu arfaethedig

Adran 1: Newid/datblygiad STF arfaethedig 

Cynnig 1 - Ailddynodi

Y cynnig hwn yw ail-ddynodi STF 'Anawsterau Dysgu Cymedrol i Ddifrifol' yn STF 'Cyfathrebu Cymdeithasol gydag Anawsterau Dysgu'.

Cynnig 2 - Agor Dosbarth STF newydd

Y cynnig hwn yw agor dosbarth STF ychwanegol'Anawsterau Cyfathrebu Cymdeithasol a Dysgu'.

Adran 2: Data cyd-destunol yr ysgol:

Adran 3: Gwerthusiad o'r trefniadau presennol

Ansawdd a Safonau mewn Addysg  

Mae'r ysgol yn cynnig cwricwlwm eang a chytbwys wedi'i yrru gan y pedwar diben sy'n sail i Gwricwlwm i Gymru. Mae'r cwricwlwm wedi'i gyd-adeiladu gyda mewnbwn gan ddysgwyr, staff a rhieni. Mae staff yn gweithio'n effeithiol i sicrhau bod y cwricwlwm yn diwallu anghenion pob disgybl ac yn adlewyrchu cyd-destun yr ysgol. Mae cynlluniau i ddatblygu chwilfrydedd, creadigrwydd a sgiliau annibynnol disgyblion yn symud ymlaen yn briodol. Mae gan ddisgyblion iau ryddid i symud rhwng amgylcheddau dan do ac awyr agored yn briodol. Mae gwaith cynllunio Pawb yn Cynllunio yn y Dosbarth (EPIC) yn ddull effeithiol i ddisgyblion gael dweud eu dweud wrth ddysgu gan fod hyn yn gwella eu hymgysylltiad a'u cymhelliant. Mae athrawon ar draws yr ysgol yn dechrau rhoi cyfleoedd i ddisgyblion ddatblygu sgiliau dysgu annibynnol, yn enwedig yn yr awyr agored. 

Mae asesu yn Cadle yn canolbwyntio ar ddod o hyd i gryfderau, cyflawniadau, meysydd i'w gwella yn achos pob dysgwr unigol ac, os yw'n berthnasol, unrhyw rwystrau rhag dysgu. Mae'r staff yn gwneud hyn mewn trafodaeth â'r dysgwr a thrwy gyfarfodydd Asesu Cynnydd Disgyblion (APP) yn dymhorol gyda'r arweinwyr. Maent yn defnyddio'r ddealltwriaeth a'r wybodaeth hon i lywio eu cynlluniau, ac i ddarparu unrhyw her a chymorth ychwanegol sydd eu hangen. Mae'r ysgol yn defnyddio dewislen o brofion wedi'u safoni a diagnostig (cyfres GL o asesiadau mewn darllen a mathemateg ac Asesiadau Personol Cenedlaethol) i fonitro oedran darllen a mathemateg disgyblion. Mae adolygiadau rheolaidd yn sicrhau bod anghenion yn cael eu trin yn brydlon. Caiff pob disgybl meithrin ei sgrinio am anawsterau lleferydd ac iaith gan ddefnyddio Wellcomm. Mae'r adnabyddiaeth gynnar hon yn golygu bod ymyrraeth wedi'i thargedu yn cael ei darparu'n brydlon sy'n arwain at lai o ddisgyblion y mae angen cymorth arnynt yn y Dderbynfa. Mae'r arweinydd asesu yn defnyddio'r traciwr ar-lein i wirio cwmpas y cwricwlwm a chynnydd disgyblion unigol ac i nodi tueddiadau ar draws grwpiau blwyddyn, cyfnodau a'r ysgol gyfan.  Mae athrawon wedi datblygu pecyn cymorth y maent wedi'i rannu'n eang ar draws y clwstwr a'r ALlau.  

Mae'r ysgol yn gweithio ar ei Chyd-ddealltwriaeth o Gynnydd (SUP). Mae'r clwstwr yn defnyddio adnodd Partneriaethau i fframio gwaith y grŵp. Mae Cadle wedi datblygu cynllun gweithredu SUP sy'n amlinellu'n glir y gwaith yn yr ysgol, gyda'r clwstwr a thu hwnt.

Mae'r ysgol yn cynnig cyfleoedd addas i ddisgyblion ddathlu a datblygu eu dealltwriaeth o'u hunaniaeth, eu treftadaeth a'u diwylliant. Mae astudio ffigurau allweddol yn y celfyddydau ac adloniant, dathlu Cymreictod trwy ddigwyddiadau megis yr Eisteddfod flynyddol, ac arsylwi dathliadau diwylliannol arbennig yn cyfrannu at ymdeimlad o berthyn ac ymwybyddiaeth ddiwylliannol y disgyblion.  Mae'r ysgol yn gweithio tuag at wobr Efydd Siarter Iaith. 

Profiadau Dysgu ac Addysg  

Does dim disgwyl i'r cynnig gael unrhyw effaith negyddol ar brofiadau addysgu a dysgu yn yr ysgol.  Trefnir cyfleusterau addysgu arbenigol i ddarparu ystod o raglenni addysgu unigol i gefnogi cynnydd dysgwyr. Bydd llawer o'r dysgwyr yn profi ystod o anawsterau cysylltiedig megis oedi o ran llythrennedd a rhifedd, iaith lleferydd a chyfathrebu, rheoleiddio synhwyraidd ac emosiynol. Mae'r ysgol yn sicrhau bod gan staff a gyflogir yn y lleoliad sgiliau a phrofiad priodol i gefnogi dysgwyr orau. Mae'r lleoliadau'n darparu dysgu dosbarth bach wedi'i deilwra ar gyfer anghenion dysgu'r disgyblion, gan gynnwys ymyriadau i gefnogi llythrennedd a rhifedd, iaith lleferydd a chyfathrebu.  Byddai'r cyfle i gyflogi staff arbenigol a chydweithio'n nes â gwasanaethau arbenigol yn Abertawe yn gwella capasiti'r ysgol ar gyfer cynhwysiant ac o fudd i bob disgybl yn yr ysgol. 

Arolygodd Estyn yr ysgol ym mis Chwefror 2023 a chanfod y canlynol:

Mae'r ysgol yn gymuned hapus, ofalgar a chartrefol. O fewn 'Teulu Ysgol Cadle', mae staff yn gweithio'n effeithiol iawn i ddarparu ethos cynhwysol a chyfeillgar lle mae disgyblion yn gwrtais ac yn ymddwyn yn barchus. Llesiant emosiynol disgyblion sydd wrth wraidd pob llwyddiant yn yr ysgol. Mae'r amgylchedd 'enfys' lliwgar yn hyrwyddo positifrwydd yn llwyddiannus, sy'n cael ei adlewyrchu yn agweddau'r disgyblion tuag at ddysgu drwy'r ysgol. Yn ystod eu hamser yn yr ysgol, mae'r rhan fwyaf o ddisgyblion yn gwneud cynnydd da. Mae disgyblion sydd ag anghenion dysgu ychwanegol (ADY) a'r rhai sy'n mynychu'r cyfleuster addysgu arbenigol (STF) yn gwneud defnydd da o'r ystod effeithiol o brofiadau dysgu sydd ar gael ac yn gwneud cynnydd da yn y rhan fwyaf o feysydd dysgu o'u mannau cychwyn unigol.

Mae athrawon a chynorthwywyr dysgu yn cefnogi pob dysgwr o ran eu cyflawniad i ddatblygu eu sgiliau llythrennedd a rhifedd yn llwyddiannus. Fodd bynnag, nid yw cyfleoedd i ddatblygu sgiliau technoleg gwybodaeth a chyfathrebu (TGCh) disgyblion yn cael eu datblygu'n ddigon da. Mae athrawon yn gosod amcanion dysgu clir ac yn defnyddio ystod o brofiadau gwreiddiol i ennyn diddordeb a brwdfrydedd disgyblion yn dda. Mae cwricwlwm yr ysgol yn darparu ystod eang o weithgareddau ysgogol trwy bob maes dysgu a phrofiad. Er bod athrawon yn defnyddio ystod effeithiol o ddulliau addysgu yn eu dosbarthiadau, mae'r duedd i or-gyfeirio gweithgareddau, yn enwedig o'r Dosbarth Derbyn i Flwyddyn 2, yn rhwystro gallu disgyblion i weithio ar dasgau yn annibynnol. Yn ogystal, mae profiadau dysgu a chwarae yn yr ardal awyr agored i herio disgyblion yn llai datblygedig. Mae'r pennaeth dros dro wedi rhannu ei gweledigaeth yn llwyddiannus gyda rhanddeiliaid. Mae hi'n cyfrannu'n dda at sicrhau amgylchedd cynhwysol a gofalgar i bawb. O ganlyniad, mae hi wedi datblygu tîm cryf ac mae ymdeimlad clir o ymddiriedaeth rhwng disgyblion a staff. Mae gan y pennaeth dros dro ddealltwriaeth gadarn o gryfderau'r ysgol a meysydd i'w gwella. Mae aelodau'r corff llywodraethu yn gefnogol iawn ac yn wybodus iawn. Er bod yr ysgol yn defnyddio'r grant datblygu disgyblion i gynorthwyo pob disgybl agored i niwed gyda'u llesiant emosiynol, mae anghysondebau yn y ffordd y'i defnyddir i gefnogi pob dysgwr agored i niwed i ddatblygu eu sgiliau, yn enwedig y rhai sy'n fwy galluog. 

Gofal, cymorth ac arweiniad

Mae gan bob ysgol ystod briodol o bolisïau a darpariaeth ar waith i hyrwyddo iechyd a llesiant disgyblion.  Mae'r ysgol wedi ymrwymo i ddarparu amgylchedd lle mae dysgu'n cael ei werthfawrogi ac mae disgyblion yn cyflawni eu potensial mewn amgylchedd hapus a diogel lle maen nhw'n dangos parch a goddefgarwch tuag at ei gilydd.  Mae'r awdurdod lleol yn rheoli derbyniadau i'r cyfleuster addysgu arbenigol. Bydd gan bob dysgwr Gynllun Datblygu Unigol (CDU) sy'n ddogfen statudol ac sy'n nodi'r hyn sy'n 'bwysig i' ac 'yn bwysig ar gyfer' y plentyn neu'r person ifanc, y canlyniadau a ddymunir a'r ddarpariaeth ddysgu ychwanegol sydd i'w gweithredu er mwyn cyflawni'r canlyniadau.  

Byddai'r awdurdod lleol yn gweithio gydag arweinyddiaeth yr ysgol i sicrhau bod pawb yn deall eu cyfrifoldeb dros helpu i wella a chynnal cymorth gofal ac arweiniad. 

Arweinyddiaeth a Rheolaeth 

Mae arweinyddiaeth a rheolaeth y cyfleusterau addysgu arbenigol wedi eu dirprwyo i ysgolion. Cyrff llywodraethu sy'n pennu'r model rheoli mwyaf priodol ar gyfer y cyfleuster, yn unol â dull arwain a rheoli'r ysgol i sicrhau bod y cyfleuster yn rhan gwbl integredig o'r ysgol. Gall yr awdurdod lleol ddarparu cyngor a chymorth mewn perthynas â phenodiadau arbenigol yn ôl yr angen.  

Byddai'r awdurdod lleol yn parhau i weithio gydag arweinyddiaeth yr ysgol i sicrhau bod rolau a chyfrifoldebau yn glir. Byddai'n cefnogi'r ysgol i gael perthynas dda â rhieni a phartneriaid eraill fel bod disgyblion yn derbyn addysg o ansawdd uchel ac yn gwneud cynnydd da. 

Byddai'r newidiadau arfaethedig yn cael eu cynllunio'n ofalus fel nad amharir ar arweinyddiaeth a llywodraethu'r ysgol. Nod hyn yw lleihau'r tarfu ar weithgarwch ehangach yr ysgol yn ystod y cyfnod sefydlu.  

Effaith y Cynnig 

Mae ysgolion Abertawe'n gynhwysol a bydd cynnal STF estynedig o fudd i ddisgyblion prif ffrwd yn ogystal â'r rhai a leolir, gan ddarparu gwell dealltwriaeth a derbyniad i blant a phobl ifanc sydd ag angen dysgu ychwanegol.

Adran 4: Effaith ar ddisgyblion

Cynnig 1 - Ailddynodi

Mae'r twf mewn ASD a'r disgyblion sy'n cyflwyno meddwl ac ymddygiad niwroamrywiol wedi cynyddu'n sylweddol dros y 10 mlynedd ddiwethaf. Mae'r darlun hwn ar lefel genedlaethol a byd-eang ac nid yw'n unigryw i Abertawe. 

Mae'r cynnig hwn yn ceisio cydnabod y nifer cynyddol o blant a phobl ifanc sydd angen darpariaeth arbenigol yn ein hysgolion yn Abertawe, i ddiwallu eu hanghenion dysgu ychwanegol. 

Sefydlwyd STF Cadle i gefnogi disgyblion sydd ag anghenion dysgu cymedrol i ddifrifol. Bellach mae'r rhan fwyaf o STFs sydd wedi'u dynodi'n debyg yn darparu ar gyfer disgyblion niwroamrywiol sydd hefyd ag anawsterau dysgu. Ar hyn o bryd yn STF Cadle mae gan 44% o'r garfan bresennol naill ai ddiagnosis ASD neu maent ar y llwybr niwroddatblygiadol.

Ni fydd y cynnig hwn yn effeithio'n andwyol ar unrhyw ddisgybl sy'n mynychu STF Cadle ar hyn o bryd. Ni fydd disgwyl iddynt symud ysgol a gallant barhau yn STF Cadle nes iddynt adael ar ddiwedd blwyddyn 6. 

Cynnig 2 - Agor Dosbarth STF newydd

Sefydlwyd Cadle yn STF un dosbarth i ni ar gyfer disgyblion cyfnod allweddol 2 yn unig. Y cynnig yw creu STF cyfnod sylfaen fel bod disgyblion yn gallu teithio drwy'r ysgol o'r Meithrin i Flwyddyn 6. Bydd hyn yn cefnogi dilyniant i ddysgwyr ac yn dileu'r broses bresennol sy'n cyfyngu ar ddisgyblion sy'n mynd i mewn i STF yr ysgol nes eu bod yn iau. 

Adran 5: Effaith ar staffio

Cynnig 1 - Ailddynodi

Bydd y rhan fwyaf o staff eisoes wedi cael profiad o weithio gyda disgyblion ag awtistiaeth neu sy'n niwroamrywiol. Ni chynigir y bydd unrhyw newidiadau i staff yn y STF presennol yn Cadle a chynigir hyfforddiant i uwchsgilio staff.

Cynnig 2 - Agor Dosbarth STF newydd

Nid yw'n debygol y bydd effaith ar staffio presennol o fewn ysgol gynradd Cadle. Bydd angen staff ychwanegol. Bydd apwyntiadau'n cael eu gwneud ar gyfer staff arbenigol newydd, gyda phrofiad o weithio gyda phlant sydd ag awtistiaeth a/neu anawsterau cyfathrebu cymdeithasol yn ddelfrydol.

Bydd hyfforddiant staff yn cael ei gynnig drwy'r ddewislen hyfforddi ADY.

Adran 6: Effaith ar gyllideb a chapasiti'r ysgol

 *Gweler Atodiad E 'Goblygiadau Ariannol' am wybodaeth lawn am y fformiwla ariannu a'r cyfrifiadau cyllideb a ragwelir

 *Gweler Atodiad E 'Goblygiadau Ariannol' am wybodaeth lawn am y fformiwla ariannu a'r cyfrifiadau cyllideb a ragwelir

Adran 7: Heriau, meurau lliniaru a menteision: 

Heriau:  

Mae dileu'r angen am ddiagnosis yn heriol ar gyfer penderfynu ar leoliad, ac felly bydd angen prosesau lleoli cadarn a'r strategaeth hon yn cael ei chyfleu'n glir i'r holl randdeiliaid, gan gynnwys rhieni. Mae disgybl sy'n gweithredu o fewn ystafell ddosbarth/ysgol ynghyd â'r gallu i gyfathrebu ac ymddwyn yn briodol yn ffactorau dan ystyriaeth wrth feddwl am leoliadau arbenigol. 

Bydd angen sicrhau staff arbenigol a darparu hyfforddiant cyn y gall y dosbarth STF ychwanegol agor.  

Efallai y bydd angen mwy o amser ar y disgyblion newydd a dderbynnir i'r STF yn yr ystafell ddosbarth, yn hytrach na threulio amser yn y brif ffrwd. 

Efallai y bydd angen cludiant ychwanegol a thacsi ar y safle. 

Mesurau lliniaru:  

Caiff y ddarpariaeth newydd ei chyflwyno'n raddol ac ni fydd unrhyw darfu ar addysg y dysgwr.  

Ni fydd yn ofynnol i unrhyw blentyn symud i'r ddarpariaeth newydd os yw'n derbyn addysg yn rhywle arall ar hyn o bryd.  

Mae gan yr awdurdod lleol brosesau panel cadarn i gytuno ar leoliad a fydd yn cael eu hadolygu ymhellach unwaith y bydd yr angen am ddiagnosis ffurfiol yn cael ei ddileu. 

Bydd cyfathrebu parhaus, gofalus a chyson gyda rhanddeiliaid.  

Mae gan yr ALl ddewislen hyfforddi helaeth a gall gynnig cymorth pwrpasol i'r ysgol er mwyn hyfforddi staff newydd. Mae gennym ni ddisgwyliad bod hyfforddiant o ansawdd uchel yn parhau.  

Manteision:          

Mae'r cynnig hwn yn hyrwyddo cymunedau ysgol cynhwysol. Mae Cyngor Abertawe ac ysgolion Abertawe yn dathlu amrywiaeth ac mae gan unrhyw ysgol sy'n cynnal STF rôl allweddol wrth hyrwyddo'r dull hwn. Credwn fod pob dysgwr yn elwa o ddysgu mewn amgylcheddau cynhwysol ac amrywiol lle mae gwahaniaethau'n cael eu dathlu. Mae athrawon a darpariaethau arbenigol yn ategu'r dull hwn. 

Adran 8: Manylebau STF: 

Adran 9: Gofyniad Hysbysiad Statudol

Os bydd y Cabinet yn penderfynu bwrw ymlaen â'r cynnig hwn ar ôl ystyried yr ymatebion i'r ymgynghoriad, bydd y Cyngor yn cyhoeddi Hysbysiad Statudol, a fydd yn gwahodd unrhyw un sy'n dymuno gwrthwynebu, i wneud hynny yn ysgrifenedig o fewn cyfnod o 28 diwrnod. Os derbynnir gwrthwynebiadau, bydd adroddiad gwrthwynebu'n cael ei gyhoeddi ar wefan Cyngor Abertawe. Bydd copïau caled o'r adroddiad hefyd ar gael ar gais. Bydd yr adroddiad yn crynhoi'r materion a godwyd ac yn darparu ymateb Cyngor Abertawe i'r gwrthwynebiadau hynny. 

Adran 10: Dyddiad gweithredu arfaethedig:

Medi 2025