Gweithiwr Cymdeithasol Goruchwyliol (dyddiad cau: 06/03/25)

Teitl y swydd: Gweithiwr Cymdeithasol Goruchwyliol 
Rhif y swydd: SS.1938-V2
Cyflog: £35,235 - £38,626 Gradd 8 (NQ) , £39,513 - £43,693 Gradd 9  y flwyddyn
Disgrifiad swydd:  Disgrifiad swydd - Gweithiwr Cymdeithasol Goruchwyliol SS.1938-V2 (PDF, 242 KB)  
Cyfarwyddiaeth/adran: Gwasanaethau Cymdeithasol

Gwnewch gais ar-lein nawr am y swydd SS.1938-V2

Dyddiad cau: 11.59pm, 6 Mawrth 2025

Mwy o wybodaeth

Amdanom Ni
Nod Maethu Cymru Abertawe yw darparu gofal o safon i blant a phobl ifanc sy'n derbyn gofal gan Gyngor Dinas Abertawe. Rydym yn recriwtio, cymeradwyo a chefnogi gofalwyr i ddarparu cartrefi sefydlog a gofalgar i unrhyw blentyn na all ei deulu ofalu amdano. Rydym yn dîm mawr o 22 o staff sy'n cynnwys 18 o weithwyr cymdeithasol, 3 gweithiwr cymorth a swyddog datblygu busnes, yn ogystal â staff cymorth busnes eraill.

Yn Maethu Cymru Abertawe rydym yn gweithio mewn partneriaeth â'r plentyn, y rhai sydd â chyfrifoldeb rhiant a gofalwyr maeth mewn ffordd agored a gonest. Rydym yn canolbwyntio ar y plentyn yn ein gwerthoedd ac yn ymdrechu i gefnogi ein gofalwyr maeth i ddarparu cartrefi diogel a chariadus gan alluogi plant i gyrraedd eu potensial.

Am bwy rydyn ni'n chwilio?
Rydym yn chwilio am unigolion brwdfrydig, profiadol sy'n frwd dros gefnogi ac eiriol dros ofalwyr maeth a'n plant sydd wedi bod mewn gofal. Rydym yn hyrwyddo dull seiliedig ar gryfder o weithio drwy'r model 'arwyddion diogelwch' ac yn gweithio ar y cyd â gofalwyr maeth, teuluoedd, plant a phobl ifanc. 
Rhan o'ch rôl fydd asesu a goruchwylio gofalwyr maeth, meddu ar sgiliau dadansoddi da ac ysgrifennu asesiadau. Fel Gweithiwr Cymdeithasol maethu byddwch yn cwblhau asesiadau recriwtio ffurflen F, ochr yn ochr â chynnal llwyth achosion o ofalwyr maeth, gan ddarparu goruchwyliaeth a chymorth. Mae profiad blaenorol o ofal maeth yn ddymunol ond nid yn hanfodol. Mae hefyd yn bwysig bod gennych wybodaeth gadarn am weithdrefnau diogelu. 
Rydym yn cydnabod pwysigrwydd dysgu oddi wrth ein gilydd ac yn hyrwyddo ein timau i fod yn swyddfa 3 diwrnod yr wythnos (dydd Mawrth, dydd Mercher a dydd Iau). Rydym yn ddigon ffodus i gael swyddfa sydd â golygfeydd gwych o'r môr o'r Mwmbwls a Bae Abertawe, yn ogystal â bod yn daith gerdded fer i ganol y ddinas ac yn agos at bum parc a gardd sydd â statws baner werdd, sy'n berffaith ar gyfer teithiau cerdded amser cinio neu ar ôl mynd am dro ar ôl gwaith.

Yr hyn y gallwn ei gynnig i chi
Rydym yn dîm profiadol iawn sy'n gyfeillgar, yn gefnogol, ac yn groesawgar iawn. Byddwch yn derbyn ymagwedd strwythuredig at hyfforddiant fel rhan o'ch rôl, ymrwymiad i ddysgu, llwybr gyrfa, a mentora a chefnogaeth i weithwyr cymdeithasol newydd gymhwyso. Rydym wedi ymrwymo i'ch datblygiad proffesiynol, a'ch lles trwy oruchwyliaeth reolaidd.

Mae lles ein staff yn bwysig i ni, a thrwy ymuno â'n tîm Gwaith Cymdeithasol, gallwch elwa o: 

• Cyflog cystadleuol 
• Gweithio hyblyg/hybrid i sicrhau cydbwysedd rhwng bywyd a gwaith  
• Hawl gwyliau blynyddol hael  
• Polisïau sy'n Ystyriol o Deuluoedd 
• Pensiwn ardderchog gyda Chynllun Pensiwn Llywodraeth Leol 
• Mynediad i'r cynllun Beicio i'r Gwaith 
• Gostyngiadau staff 
• Disgownt aelodaeth canolfan hamdden a champfa gyda Freedom Leisure
• Pecyn adleoli (hyd at £8,000)
• Cefnogaeth iechyd a lles
• Cyfleoedd hyfforddi a datblygu

Os gallwch weld eich hun yn rhan o'r tîm gwych hwn sy'n gwneud gwahaniaeth bob dydd, ac yr hoffech wybod mwy, cysylltwch â Bethan Hughes, Rheolwr Tîm Bethan.Hughes2@swansea.gov.uk am ragor o wybodaeth.

Diogelu
Yng Nghyngor Abertawe yr egwyddor yw "Busnes Pawb yw Diogelu", ac mae hyn yn berthnasol I holl weithwyr Cyngor Abertawe, aelodau etholedig, gwirfoddolwyr a chontractwyr. 
I gael rhagor o fanylion ewch I https://www.abertawe.gov.uk/diogelucorfforaethol