Asesiadau o anghenion gofalwr

Mae llawer o ofalwyr yn derbyn Asesiad o Anghenion Gofalwyr ar yr un pryd ag asesiad o anghenion y person maent yn gofalu amdano/amdani. Ond gallwch ofyn am Asesiad o Anghenion Gofalwyr unrhyw bryd, hyd yn oed os nad yw'r person rydych yn gofalu amdano/amdani eisiau unrhyw gymorth gan y Gwasanaethau Cymdeithasol neu os ydynt yn derbyn cymorth yn barod.

Sgwrs ag aelod hyfforddedig o staff yw Asesiad o Anghenion Gofalwyr. Bydd yr asesiad yn canolbwyntio ar eich anghenion a'ch pryderon chifel gofalwr,ac nid y person rydych yn gofalu amdano. Dylech ofyn unrhyw gwestiynau i ni a dweud wrthym os oes unrhyw beth nad ydych yn ei ddeall.

I'r mwyafrif o ofalwyr, bydd y gefnogaeth a ddarperir yn cynnwys deall eu hanghenion drwy drafod eu rôl ofalu, a chyfeirio i wasanaethau gwybodaeth a chymunedol i'w helpu.

Sut mae'r asesiad yn gweithio?

Bydd aelod o staff hyfforddedig yn cwrdd â chi i siarad am sut rydych yn ymdopi â gofalu am y person rydych yn gofalu amdano/amdani.

Nid yw'r asesiad yn brawf i weld a ydych yn ei wneud yn ddigon da, ond cyfle i chi siarad am sut rydych yn teimlo a pha effaith mae gofalu yn ei chael ar eich bywyd.

Mae'r asesiad o anghenion gofalwr hefyd yn gyfle i chi ddarganfod a oes unrhyw gefnogaeth ar gael i'ch helpu yn eich rôl fel gofalwr.

Gall yr Asesiad ymdrin â'r canlynol:

• Am faint o amser rydych wedi bod yn gofalu
• Eich iechyd corfforol ac emosiynol presennol
• Beth fyddai'n digwydd petaech yn sâl, neu petai unrhyw argyfwng arall
• Faint o gymorth rydych yn ei dderbyn
• Pa mor aml ydych yn cael neu ddim yn cael noson lawn o gwsg
• Effaith gorfforol, emosiynol ac ymarferol eich rôl fel gofalwr
• Unrhyw gyfrifoldebau eraill sydd gennych, fel plant dibynnol
• Eich sefyllfa gyflogaeth neu a fyddech am weithio neu ymgymryd â hyfforddiant wrth barhau â'ch rôl fel gofalwr
• Sut mae eich rôl fel gofalwr yn effeithio ar eich perthnasoedd eraill a'ch cyfeillgarwch
• A oes gennych unrhyw amser 'rhydd' y tu allan i'ch rôl fel gofalwr, ac a oes gennych unrhyw amser am weithgareddau hamdden
• Unrhyw ddyheadau eraill sydd gennych sy'n cael eu cyfyngu gan eich rôl ofalu.

Paratoi ar gyfer asesiad

Gallwch baratoi ar gyfer yr Asesiad o Anghenion Gofalwyr drwy feddwl am y math o gymorth a fyddai'n ei gwneud hi'n haws i chi ofalu neu barhau i ofalu. Efallai y bydd yn eich helpu i feddwl am y pethau rydych yn eu gwneud i helpu'r person rydych yn gofalu amdano, megis gwaith tŷ, ei helpu i fynd i'r baddon neu alw heibio i wirio ei fod yn ddiogel ac yn iach. Bydd hefyd yn eich helpu i feddwl am yr effaith y mae hyn yn ei chael ar eich cyfrifoldebau dyddiol.

Gallwch ddweud wrthym ni sut rydych chi'n teimlo am y pethau rydych chi'n eu gwneud, ac a ydych yn eu cael yn anodd neu a ydynt yn eich rhoi dan straen o gwbl.

Mae mwy o wybodaeth ar gael i baratoi ar gyfer asesiad o anghenion gofalwr os welwch Gofalwyr Cymru ac edrychwch ar ddogfen hwn.

Pam y dylwn i gael asesiad anghenion gofalwr?

Gallai'r asesiad o anghenion gofalwr ddarparu:

• cyfle i siarad am faterion, ystyried eich anghenion eich hun a meddwl am gynllunio ar gyfer y dyfodol
• a gwybodaeth am gymorth ymarferol, budd-daliadau, grantiau, grwpiau gofalwyr a gwasanaethau gwirfoddol

Os yw'r person rydych yn gofalu amdano/amdani yn derbyn cymorth o'r Gwasanaethau Cymdeithasol, mae'r Asesiad o Anghenion Gofalwr hefyd yn rhoi cyfle i chi nodi'r hyn y gallwch - a'r hyn na allwch - ei ddarparu fel rhan o'i gofal.

Os ydych yn oedolyn/oedolyn ifanc a hoffech siarad â ni am Asesiad Anghenion Gofalwr, cysylltwch â'r Pwynt Mynediad Cyffredin. Pwynt Mynediad Cyffredin ar gyfer Iechyd a Gofal Cymdeithasol (PMC)

Os ydych yn blentyn/berson ifanc a hoffech siarad â ni am Asesiad Anghenion Gofalwr, cysylltwch â'r Pwynt Mynediad Cyffredin. Pwynt Mynediad Cyffredin ar gyfer Iechyd a Gofal Cymdeithasol (PMC)

Os ydych yn oedolyn sy'n gofalu am blentyn anabl a hoffech siarad â ni am Asesiad o Anghenion Gofalwr, cysylltwch â'r Pwynt Cyswllt Unigol Pwynt Mynediad Cyffredin ar gyfer Iechyd a Gofal Cymdeithasol (PMC)