Cwestiynau cyffredin am CCTV

Dewch o hyd i atebion i'r cwestiynau mwyaf cyffredin rydym yn eu derbyn am CCTV.

Ar hyn o bryd rydym yn y broses o uwchraddio'n systemau teledu cylch cyfyng o amgylch Abertawe.

Pwy sy'n gyfrifol am y camerâu CCTV ar draws y ddinas?

Mae'r Cyngor yn gweithredu camerâu teledu cylch cyfyng mewn lleoliadau allanol ar draws y ddinas. Mae'r brif system yn cynnwys 132 o gamerâu ar hyn o bryd ar draws ardal yr awdurdod lleol, gan gynnwys Treforys, y Mwmbwls, Gorseinon a Phontarddulais. Mae gennym hefyd gamerâu ychwanegol mewn stadau tai'r cyngor. Mae'r holl gamerâu hyn yn weithredol mewn ardal ddiffiniedig ac fe'u defnyddir yn bennaf i atal troseddau ac ymddygiad gwrthgymdeithasol. Gall y camerâu helpu'r heddlu i nodi troseddwyr a chasglu tystiolaeth ar gyfer erlyniad yn y llys.

Mae yna ganolfan reoli bwrpasol, sy'n ganolfan gyfyngedig a diogel a weithredir yn unol â chanllawiau'r Swyddfa Gartref. Mae gan weithredwyr teledu cylch cyfyng y Cyngor gysylltiad uniongyrchol â'r heddlu, a gallant anfon darnau o ffilm at ystafell reoli'r heddlu pan fo'n berthnasol, gan adrodd am ddigwyddiadau ar unwaith. Mae'r cyfathrebu hwn yn gweithio'r ddwy ffordd, a gall yr heddlu gysylltu â'r Ganolfan Reoli Teledu Cylch Cyfyng i ofyn am ddarnau o ffilm i fonitro digwyddiad.

Mae holl weithredwyr teledu cylch cyfyng y Cyngor wedi cael hyfforddiant ffurfiol i weithredu teledu cylch cyfyng. Maent yn gweithredu'n unol â pholisi teledu cylch cyfyng y Cyngor a chôd ymarfer Swyddfa'r Comisiynydd Arwylio.

Ar gyfer ymholiadau cyffredinol am y system, cysylltwch â:

Gareth Pritchard - Ffôn: 07917 200079 neu e-bostiwch gareth.pritchard@abertawe.gov.uk

Mae'r cyngor hefyd yn gweithredu camerâu yn ei adeiladau, ei swyddfeydd a'i weithleoedd gwaith eraill. Ar gyfer ymholiadau cyffredinol ynghylch systemau CCTV mewnol, ffonwich switsfwrdd Cyngor Abertawe ar 01792 636000.

Ble mae'r camerâu?

Mae yna 132 o gamerâu (69 o gamerâu PTZ (Panio, Gogwyddo a Chwyddo) a 62 o gamerâu sefydlog) ar draws Dinas a Sir Abertawe.

Wind Street
Quay Parade
Little Wind Street
York Street
Orchard Street
Ffordd y Brenin
St Helens Road
Whitewalls
Plymouth Street
Nelson Street
Stryd Rhydychen
Union Street
Westways
Y Stryd Fawr
Walter Road
Christina Street
Caer Street
Singleton Street
Northampton Lane
Pell Street
Portland Street/Park Street
The Strand
Arena Abertawe
Woodfield Street, Treforys
Gorsaf Fysus Gorseinon
High Street, Gorseinon
St Teilo Street, Pontarddulais
Water Street, Pontardulais
Bae Bracelet, y Mwmbwls
Powys Avenue
Pen-y-Graig Road
Cadwaladr Circle
Townhill Road/Teilo Crescent
Ceri Road
Gwili Terrace
Gors Avenue / Dewi Terrace
Gors Avenue / Gwent Road
Rhodfa'r Brain
Heol Calfin
Broughton Avenue
Portmead Avenue
Woodford Road
Bardsey Avenue
Swansea Road, Waunarlwydd
St. Clears Place
Longview Road, y Clâs
Solva Road, y Clâs
Mansel Road, Bôn-y-maen
Caernavon Way, Bôn-y-maen
Rhyd Y Felin, Trallwn
Tegfan, Trallwn
Hillrise Park, Clydach
Parkway Road, Sgeti

Mae gan yr adeiladau dinesig hefyd 2 system y mae'r tîm Cyfleusterau Corfforaethol yn gyfrifol amdanynt. Mae'r rhain yn weithredol yn swyddfeydd y Cyngor yn y Ganolfan Ddinesig a Neuadd y Ddinas. Mae 84 o gamerâu yn y Ganolfan Ddinesig, sy'n cynnwys 25 o gamerâu allanol a 59 o gamerâu mewnol. Mae 9 camera yn Neuadd y Ddinas, sy'n cynnwys 7 camera mewnol a 2 gamera allanol. Mae camerâu teledu cylch cyfyng hefyd yn y rhan fwyaf o'r adeiladau a gynhelir gan y cyngor, megis llyfrgelloedd, canolfannau cymunedol, Swyddfeydd Tai Ardal a chyfleusterau'r Gwasanaethau Cymdeithasol. Caiff y rhain eu cynnal a'u cadw a'u gweithredu gan y staff ar y safle.

Faint o arian sy'n cael ei wario ar gamerâu bob blwyddyn?

Gwariant ar gamerâu ar gyfer 2020/21: