Cwestiynau cyffredin chwilio priffyrdd

Dewch o hyd i atebion i'r cwestiynau mwyaf cyffredin rydym yn eu derbyn.

A allaf weld y cynlluniau priffyrdd mabwysiedig (CON29_2.1)?

Mae'r cofnod priffyrdd mabwysiedig yn defnyddio system mapio electronig i ddangos graddau'r ffyrdd a fabwysiadwyd. Gallwch eu gweld am ddim ar y wefan hon.

Mae cynlluniau'n dangos y safle cyffredinol, nid union linell ffin y briffordd a fabwysiadwyd. Gallant fod yn destun afluniadau o ran maint. Efallai na fydd mesuriadau a raddir o gynllun yn cyfateb i fesuriadau rhwng lleoliad nodweddion go iawn ar y ddaear.

A allaf gael cynllun o'r briffordd fabwysiedig?

Ar hyn o bryd mae'r tîm Pridiannau Tir Lleol yn darparu cynlluniau maint priffyrdd mabwysiedig hyd nes y datblygir system awtomataidd. Gellir prynu cynllun a gyhoeddir ar ffurf Adobe PDF am ffi. Anfonwch e-bost sy'n cynnwys cynllun o'r ardal dan sylw i pridiannautirlleol@abertawe.gov.uk a byddant yn rhoi gwybod i chi am ddulliau talu a'r ffi gyfredol.

Beth yw ystyr yr arlliwio brown?

Dyma ehangder y briffordd fabwysiedig. Mae'r arlliwio frown yn gysylltiad hanesyddol â hen gynlluniau papur a oedd yn cofnodi ffyrdd a fabwysiadwyd gyda golchiad inc brown.

Dangosir ffordd yn wyn neu heb liw, beth mae hynny'n ei olygu?

Dangosir ffyrdd neu lwybrau nad ydynt wedi'u mabwysiadu'n ddi-liw. Gallant fod yn agored i'r cyhoedd ond yn cael eu cynnal a'u cadw'n breifat gan reolwyr y stryd (preswylwyr, datblygwr neu berchennog tir), yn ffordd breifat i eiddo nad yw'n agored i'r cyhoedd neu'n mynediad i eiddo fel strydoedd cefn, dreifiau preifat, lonydd etc.

A oes cytundeb adran 38 ar gyfer fy ffordd (CON29_2.1)?

Mae'r offeryn gweld ffyrdd a fabwysiadwyd ar-lein yn nodi cytundebau mabwysiadu ffyrdd adran 38 fel ardaloedd glas. Mae cytundebau adran 38 yn golygu bod tir preifat yn dod yn eiddo a gynhelir gan yr Awdurdod Priffyrdd drwy ddefnyddio arian cyhoeddus. Hyd nes yr ardystiwyd bod cytundeb yn gyflawn, cyfrifoldeb y perchennog/datblygwr yw'r ffyrdd a neilltuir felly. Mae'r ardaloedd melyn yn dangos cytundebau adran 278 sydd o fewn y briffordd bresennol a fabwysiadwyd.

Mae prisiant tir sy'n gofyn am daliad APC (Côd Taliadau Ymlaen Llaw) ar gyfer gwaith ar stryd preifat, a yw hyn wedi'i dalu?

Cyflwynir Hysbysiad APC i berchennog tir i ddechrau, a chaiff ei gofnodi yn y Gofrestr Pridiannau Tir. Caiff ei restru fel "wedi'i gyflwyno". Pan fydd y tirfeddiannwr yn talu'r arian y gofynnir amdano, naill ai drwy arian parod neu fond, caiff ei restru eto fel "blaendal". Mae'r ddau gofnod hyn yn dangos bod yr Hysbysiad APC wedi'i fodloni. Os mai dim ond yr hysbysiad "wedi'i gyflwyno" sydd wedi'i restru, mae hyn yn awgrymu na thalwyd y blaendal a bod y tirfeddiannwr o bosib yn dal i fod yn atebol.

Sut ydw i'n cael copi o gytundeb adran 38/278, Hysbysiad APC neu gytundeb cynllunio adran 106?

Dim ond copïau ardystiedig o gytundebau y bydd y cyngor yn eu darparu, a rhaid eu harchebu drwy'r tîm Pridiannau Tir Lleol. Anfonwch e-bost atynt gan gynnwys cymaint o fanylion â phosib; gall costau amrywio yn ôl cynnwys - pridiannautirlleol@abertawe.gov.uk

Sylwer mai cytundebau mabwysiadau carthffosydd gyda Dŵr Cymru yw cytundebau adran 104; ewch i'w gwefan Gwasanaethau i Ddatblygwyr.

Pryd fydd fy ystâd yn cael ei mabwysiadu?

Arweinir y broses fabwysiadu gan y datblygwr ac felly mae'n anodd ei rhagweld. Rydym yn argymell eich bod yn cysylltu â'r datblygwr yn uniongyrchol i ganfod ei safbwynt ar fabwysiadu.

Beth sy'n achosi oedi o ran mabwysiadu fy ystâd?

Ni allwn bob amser wneud sylwadau ar y mater hwn gan fod cyfrinachedd rhwng y cyngor a'r datblygwr, gan gynnwys materion safleoedd nad ydynt efallai'n cynnwys y cyngor, megis carthffosydd gyda Dŵr Cymru, er enghraifft. Rydym yn argymell eich bod yn cysylltu â'r datblygwr yn uniongyrchol i drafod unrhyw faterion.

Pam nad yw fy ffordd wedi'i mabwysiadu?

Gall fod nifer o resymau pam nad yw'ch ffordd wedi'i mabwysiadu, ni waeth a yw'n hen ffordd neu'n ffordd newydd. Er enghraifft, efallai nad yw'r datblygwr wedi cynnig y ffordd i'w mabwysiadu, mae wedi'i datblygu'n araf dros amser, mae problemau adeiladu/draenio/geometreg, problemau o ran perchnogaeth, mae'r datblygwr wedi dewis ei chynnal dros ei hunan yn breifat neu drwy gwmni rheoli, etc. Os yw'n ffordd newydd, rydym yn argymell trafod hyn gyda'r datblygwr yn uniongyrchol. Os yw'n hen ffordd, y talwynebwr sy'n gyfrifol am dalu i ddatrys unrhyw broblemau er mwyn sicrhau ei bod i safon y gellir ei mabwysiadu. Yn gyffredinol, bydd pob eiddo a thirfeddiannwr ar y ffordd yn rhannu'r gost. Rydym yn argymell cysylltu â'ch cynghorydd lleol i drafod mabwysiadu eich ffordd.

A yw fy eiddo'n ffinio â'r briffordd fabwysiedig?

Nid yw hyn bob amser yn hawdd i'w gadarnhau ond rydym yn argymell cymharu'r cofnod priffyrdd mabwysiedig, perchnogaeth y Gofrestrfa Tir a'r hyn sydd ar y ddaear. Os nad yw'n glir, yna mae'n bosib y gallwn ymchwilio iddo.

Mae tir rhyngol y tu allan i'm ffin flaen, pwy sy'n berchen arno?

Os yw cymharu cofnodion yn arwain at dir heb statws rhwng y tir a fabwysiadwyd a'r tir preifat, gellir gwneud ymholiadau pellach i'r tîm Ystadau a Chyfleusterau Strategol (drwy e-bostio Ninetta.Algieri@abertawe.gov.uk a Sandra.Emanuel@aberawe.gov.uk) a'r tîm Cofrestru Tiroedd Comin (cofrestrutircomin@abertawe.gov.uk) i benderfynu a oes budd y cyngor neu Dir Comin yn bresennol. Os na ellir nodi tirfeddiannwr o hyd, gellir ystyried y tir fel rhan o'r briffordd lle mae hawliau priffyrdd yn disodli hawliau perchnogaeth.

A yw'r cyngor yn berchen ar y tir rhyngol?

Mae'r tîm Ystadau a Chyfleusterau Strategol yn cadw cofnodion o dir sy'n eiddo i'r cyngor ac sy'n cael ei brydlesu, gan gynnwys tir sydd wedi'i neilltuo at ddibenion priffyrdd. Os nad yw'ch ymchwil yn cadarnhau perchnogaeth, byddant yn gallu cynghori a oes gan y cyngor fudd yn y tir rhyngol. Anfonwch e-bost at Ninetta.Algieri@abertawe.gov.uk a Sandra.Emanuel@aberawe.gov.uk

A oes unrhyw gynlluniau ffordd yn fy ardal i (CON29_3.4_3.6)?

Mae gan y map mabwysiadu ar-lein haenau o wybodaeth y gallwch eu dewis. Gallwch weld graddau cynlluniau ffyrdd, cynlluniau traffig a chynlluniau beicio. Cliciwch ar gynllun ffordd neu gynllun traffig i weld blwch deialog lle bydd ei enw'n ymddangos. Rhestrir disgrifiad ar gyfer pob cynllun ar ein gwedudalennau yma -

Os bydd angen rhagor o wybodaeth am gynllun arnoch, e-bostiwch priffyrdd@abertawe.gov.uk ac anfonir eich ymholiad at y tîm priodol. Sylwer bod llawer o gynlluniau'n ddyheadol ac efallai na fyddant yn cynnwys manylion ychwanegol y tu hwnt i ddisgrifiad syml.

A oes unrhyw gynlluniau ehangu ffyrdd yn yr ardal?

Yn ogystal â'r map ar-lein ar gyfer cynlluniau ffyrdd, efallai y bydd gan yr Adran Gynllunio geisiadau am ehangu ffyrdd neu ddatblygiadau sy'n cynnwys gwelliannau priffyrdd i hwyluso datblygiad newydd. Mae porth chwilio'r Adran Gynllunio ar-lein yn eich galluogi i chwilio cyfeiriadau a mapiau ar gyfer ceisiadau - cynllunio.abertawe.gov.uk

Oes unrhyw gynlluniau beicio arfaethedig yn fy ardal?

Ewch i wefan Teithio llesol y cyngor i gael manylion.

A oes unrhyw orchmynion cau ffyrdd sy'n effeithio ar ffyrdd o amgylch yr eiddo?

Gellir cau ffyrdd fod yn barhaol neu dros dro. Mae gwefan y Gorchmynion Rheoleiddio Traffig yn rhestru gorchmynion arfaethedig ac arbennig a all gynnwys cau ffyrdd dros dro. Gall cau'r ffordd yn barhaol gynnwys cau'r briffordd neu ailgynllunio ffordd drwy gynllun gwella. Gall y gwefannau isod helpu i ddod o hyd i un ohonynt.

A oes unrhyw welliannau neu ddatblygiadau yn y dyfodol a all effeithio ar lif y traffig yn fy ardal i?

Gall cofnodion cynllunio a gwybodaeth am gynlluniau ar ein gwefan neu'r map ar-lein nodi a fydd effeithiau posib ar lif traffig yn y dyfodol. Mae ceisiadau cynllunio mawr bob tro'n cynnwys dogfennau cymorth a all ddarparu cliwiau ynghylch llwyth y rhwydwaith ffyrdd cyfagos.

A oes unrhyw wybodaeth ychwanegol a all effeithio ar lif y traffig?

Efallai na fydd map cyfyngiadau ar-lein y cyngor yn darparu gwybodaeth sy'n gysylltiedig â thraffig ond mae'n nodi meysydd diddordeb penodol fel tir ansefydlog - https://swansea.opus4.co.uk/planning/localplan/maps/swansea-constraints#/x:257810/y:197785/z:5/b:14/o:2616,o:2824

Bydd gwefan Hysbysiadau Statudol y cyngor a'r wefan hysbysiadau cyfryngau cyhoeddus uchod yn rhestru Gorchmynion Traffig etc. a all effeithio ar yr ardaloedd cyfagos.

A oes unrhyw safleoedd bysus arfaethedig a all effeithio ar lif y traffig yn fy ardal i?

Mae'r Tîm Trafnidiaeth yn ymwneud â gwaith lleoli/ail-leoli safleoedd bysus. Anfonwch eich ymholiad at PublicTransport@abertawe.gov.uk

A oes angen unrhyw ran o fy eiddo ar gyfer gwaith Priffyrdd (CON29_3.2)?

Ewch i'r dudalen we 'Tir gofynnol ar gyfer cynlluniau' - www.abertawe.gov.uk/landrequiredforscheme

Gall dogfennau'r Gofrestrfa Tir gynnwys cyfeiriadau at gyflwyno tir at ddibenion priffyrdd.

A oes unrhyw lwybrau troed ar fy nhir (CON29_2.2/3/4/5)?

Mae gwybodaeth am lwybrau troed a Hawliau Tramwy Cyhoeddus ar gael gan y Tîm Mynediad i Gefn Gwlad yn unig. Ebost mynediadigefngwlad@abertawe.gov.uk

A oes unrhyw gynlluniau rheilffordd ger fy eiddo (CON29_3.5)?

Ar hyn o bryd, nid oes unrhyw gynlluniau rheilffordd/tram/trên un gledren yn Abertawe. Nid yw prif reilffyrdd yn gyfrifoldeb sydd wedi'i ddatganoli i awdurdodau lleol, felly byddai ond yn cael ei adrodd pe bai Network Rail wedi cyflwyno cais cynllunio i'r Awdurdod Cynllunio Lleol. Cysylltwch yn uniongyrchol â Network Rail (Yn agor ffenestr newydd).

Mae tâl Gorchymyn Stryd Newydd ar fy eiddo, a oes unrhyw swm sy'n weddill?

Roedd Gorchmynion Stryd Newydd yn seiliedig ar is-ddeddfau a ddiddymwyd ym 1991. Ers 1991 felly, ni ellir datgan unrhyw Orchmynion Stryd Newydd. Pan effeithiwyd ar safle gan orchymyn o'r fath, daeth hyn i rym pan ddechreuodd y gwaith adeiladu'n unig, megis ailadeiladu'r eiddo neu wal derfyn newydd. Ni ddaeth i rym ar gyfer estyniadau.

Roedd gan Orchmynion Stryd Newydd a ddatganwyd o dan Ddeddf Priffyrdd 1959 a 1980 amserlen dod i ben o 10 mlynedd a gellid eu hymestyn am 2 flynedd arall. Nid yw gorchymyn yn effeithio ar eiddo mwyach.

Pan ddatganwyd Gorchymyn Stryd Newydd, cafodd hwn ei gynnwys yn y gofrestr taliadau tir ac felly mae'n ymddangos pan wneir chwiliad. Yr unig ffordd o gael gwared ar y cofnod yw i'r gorchymyn gael ei dynnu'n ôl. Ni wnaed hyn gan fod miloedd o orchmynion yn bodoli a byddai'n rhaid tynnu pob un yn ôl yn unigol.