Cwynion am ECO-flex

Dan ECO4 Flex nid yw awdurdodau lleol yn gyfrifol am unrhyw hawliadau a wneir gan gwsmeriaid nad ydynt yn fodlon ar ansawdd y gwaith. Y gosodwr sy'n atebol am y gwaith a wneir.

Felly, nid ydym yn derbyn cyfrifoldeb am unrhyw ganlyniadau negyddol, difrod neu golledion sy'n gysylltiedig â phrosiectau ECO4 Flex a gweithredoedd y gosodwr/darparwr/asiant. Mae hyn hefyd yn cynnwys unrhyw beth sy'n gysylltiedig â'r broses gwneud cais neu arolygon a gynhelir cyn y gosod.

Ein rôl ni o ran ECO4 Flex yw penderfynu ar gymhwysedd yr aelwyd am gyllid. Rhaid dweud wrth y gosodwr/darparwr/cyflenwr ynni rhwymedig am unrhyw gwynion neu broblemau ynghylch gwaith neu'r broses gwneud cais. Os ydych yn dymuno sicrhau ansawdd y gosodiad, argymhellir eich bod yn ymgynghori ag arbenigwr annibynnol.

Os yw'r gwaith yn cael ei wneud dan y cynllun, mae'r contract rhwng y deiliad tŷ a'r gosodwr/darparwr/asiant (nid y cyngor).

Y gosodwr sy'n gyfrifol am ddiffygion gosod o fewn cyfnod amser penodedig, a'r gwneuthurwr sy'n atebol am gynnyrch diffygiol yn ystod cyfnod y gwarantiad. Y deiliad tŷ/perchennog sy'n gyfrifol am gynnal a chadw'r mesurau a osodwyd, nid y gosodwr/darparwr/asiant ECO. Os oes gennych unrhyw ymholiadau ynghylch y gosod neu'r crefftwaith, cysylltwch â'r darparwr/gosodwr ECO4 Flex penodol.

Pwyntiau allweddol ECO4 Flex

Cyfrifoldeb perchennog y cartref yw cynnal a chadw'r mesurau effeithlonrwydd ynni a osodwyd.
Dylid cyfeirio unrhyw bryderon neu gwynion cychwynnol i'r gosodwr/darparwr.