Sgwâr y Castell

Fel lle cyhoeddus adfywiedig â defnyddiau newydd, bydd Sgwâr y Castell ar ei newydd wedd yn rhan o'r rhaglen adfywio ehangach sy'n digwydd yn barod yn Abertawe, gan ei gwneud yn ddinas ddeniadol i fyw, gweithio ac ymweld â hi.

Daw Sgwâr y Castell yn lle cyhoeddus modern, ymarferol sydd wedi'i gynnal yn dda lle byddwch am dreulio amser o safon ac ymlacio.

Cynhelir amrywiaeth o ddigwyddiadau a phrofiadau diwylliannol yno o hyd.

Mae'r cynlluniau wedi'u llywio gan farn y cyhoedd ac ymgynghoriad. Bydd eich Sgwâr y Castell fwy croesawgar yn cynnwys:

• Man gwyrdd mwy defnyddiadwy, a chynyddu'r tirlunio o 25% o'r Sgwâr fel yn y blynyddoedd diwethaf i fwy na 40%; bydd mwy o gymeriad, lliw a bioamrywiaeth.
• Mwy o goed - gyda'r rhan fwyaf o'r coed sydd eisoes yno yn cael eu cadw.
• Caffis neu fwytai newydd mewn lle deniadol sy'n addas i deuluoedd, gyda chanopïau i ddarparu cysgod a lloches er mwyn i bobl eistedd y tu allan ac ymlacio.
• Nodwedd jetiau dŵr ddifyr gyda ffynhonnau bach yn codi o'r ardal balmentog - yn lle'r nodweddion dŵr a fu yno dros y blynyddoedd diwethaf.
• Ardal balmentog well sy'n addas i gerddwyr ac yn hygyrch i bawb.
• Llawer o le i bobl ddod ynghyd, eistedd y tu allan ac ymlacio - canolbwynt i bobl ddod ynghyd ac ar gyfer digwyddiadau fel y rhai a gynhaliwyd yno dros y blynyddoedd diwethaf.

Yn ystod y gwaith, bwriedir sicrhau bod cyn lleied o darfu â phosib - ac i'r holl fusnesau aros ar agor ac yn hygyrch.

Gallai Sgwâr y Castell ar ei newydd wedd agor tua diwedd 2026.

Os oes gennych unrhyw sylwadau am y datblygiad hwn e-bostiwch ni yn castlesq@abertawe.gov.uk

Golwg arfaethedig o Sgwâr y Castell o gylchfan Princess Way

Cynllun Sgwâr y Castell