Gorchymyn gwarcheidwaeth arbennig
Mae Gorchymyn Gwarcheidwaeth Arbennig yn ffordd gyfreithiol o roi sefydlogrwydd hir dymor i blentyn na all ddychwelyd i fyw gyda'i rieni biolegol ac nid yw mabwysiadu'n briodol.
Mae'n ffordd gyfreithlon o roi cyfrifoldebau clir, tymor hir am fagu plentyn i'r person sy'n gofalu amdano. Ar yr un pryd, mae'n cadw'r cyswllt cyfreithiol rhwng y plentyn a'r rhiant geni.
Caiff Gorchymyn Gwarcheidwaeth Arbennig ei wneud drwy gais ffurfiol i lys. Gallwch gyflwyno cais i ddod yn Warcheidwad Arbennig os ydych dros 18 oed ac yn:
- unrhyw warcheidwad o'r plentyn;
- gofalwr maeth yr Awdurdod Lleol y mae'r plentyn wedi byw gydag ef am flwyddyn yn syth cyn cyflwyno cais;
- perthynas i'r plentyn y mae'r plentyn wedi byw gydag ef/hi am flwyddyn cyn cyflwyno'r cais;
- unrhyw un sy'n meddu ar Orchymyn Preswylio mewn perthynas â'r plentyn;
- unrhyw un â chaniatâd gan:
- yr awdurdod lleol; neu
- bob un â chyfrifoldeb rhieni am y plentyn; neu
- llys.
Wrth benderfynu a ddylid rhoi Gorchymyn Gwarcheidwaeth Arbennig, lles y plentyn fydd prif ystyriaeth y llys. Ni roddir Gorchymyn Gwarcheidwaeth Arbennig os nad yw'r llys yn teimlo ei fod er lles gorau'r plentyn.
Unwaith y mae Gorchymyn Gwarcheidwaeth Arbennig wedi'i wneud, y Gwarcheidwad Arbennig fel arfer fydd y gofalwr parhaol i'r plentyn hwnnw nes iddo gyrraedd 18 oed.