Grant Hanfodion Ysgol (Grant Gwisg Ysgol - PDG - Mynediad yn flaenorol)
Wedi'i ariannu gan Lywodraeth Cymru i gynorthwyo teuluoedd ar incymau isel.
Bydd y cynllun ar gyfer blwyddyn academaidd 2023/24 yn dechrau ar 1 Gorffennaf 2023 ac yn dod i ben ar 31 Mai 2024.
Mae'r Grant Hanfodion Ysgol ar gael i blant a phobl ifanc:
- sy'n gymwys i gael prydau ysgol am ddim (PYDd)
- sy'n Derbyn Gofal (PDG)
- y rheini yr ystyrir nad oes ganddynt hawl i arian cyhoeddus
- mewn grwpiau blwyddyn y Dosbarth Derbyn i Flwyddyn 11 (o Medi 2023)
*Nid yw disgyblion sy'n cael prydau ysgol am ddim oherwydd trefniadau amddiffyn wrth bontio yn gymwys ar gyfer y cyllid hwn*
Mae £125 ar gael ar gyfer pob dysgwr cymwys ac eithrio'r rheini ym Mlwyddyn 7, a fydd yn gymwys i gael £200.
Gellir gwario'r grant ar:
- Wisg ysgol gan gynnwys cotiau ac esgidiau;
- Cit chwaraeon ysgol gan gynnwys esgidiau;
- Offer TG: gliniadur a thabledi YN UNIG (dim ond mewn sefyllfa gyfyngedig lle nad yw ysgol yn gallu benthyca offer i'r teulu y dylid defnyddio'r Grant Hanfodion Ysgol)
- Gwisg ysgol ar gyfer gweithgareddau cyfoethogi, gan gynnwys, ond heb fod yn gyfyngedig i: sgowtiaid; geidiaid; cadlanciau; crefft ymladd; chwaraeon; celfyddydau perfformio neu ddawns;
- Offer e.e. bagiau ysgol a deunydd ysgrifennu;
- Offer arbenigol ar gyfer gweithgareddau'r cwricwlwm newydd fel Dylunio a Thechnoleg;
- Cyfarpar ar gyfer teithiau y tu hwnt i oriau ysgol megis dysgu awyr agored e.e. dillad dwrglos.
Gellir gwneud ceisiadau ar gyfer y grant gwisg ysgol drwy Gyfrif Abertawe Grant gwisg ysgol - ar-lein
Gellir gwneud ceisiadau o 1 Gorffennaf 2023 hyd at 31 Mai 2024 a gall gymryd hyd at 7 niwrnod i brosesu taliadau.
Os oes angen cymorth arnoch, cysylltwch â schooluniformgrant@swansea.gov.uk
GROW
Gwisg Ysgol - Newydd ac wedi'i hailgylchu
Mewn partneriaeth gydag ysgolion lleol yn Abertawe, rydym wedi sefydlu prosiect ABC123 sy'n ymwneud a gwisgoedd ysgol fforddiadwy. Derbyniwn wisgoedd nad oes eu hangen bellach, eu golchi ac wedyn yn eu hailwerthu am ffracsiwn o gost gwisgoedd newydd.
Ar hyn o bryd mae gennym nifer fawr o wisgoedd ar gael yn ein hadeilad yng nghanol y dref: Uned 12 Canolfan Siopa Dewi Sant, Abertawe ac mi fyddwn yn eich croesawu i ddod i weld beth sydd ar gael. Rydym yn edrych ymlaen at eich gweld neu fe allwch roi galwad ffon ar 01792 712888 neu 07494 966980.
Ffôn: 01792 712888
E-bost: info@growcymru.org.uk