Gwelliannau i dai cyngor
Rydym bellach wedi cyrraedd Safon Ansawdd Tai Cymru (SATC) ac wrth wneud hynny, rydym wedi cyflawni rhaglen enfawr o atgyweiriadau a gwelliannau i'n tai cyngor ar draws Abertawe.
Beth sydd wedi'i gyflawni?
Cyflwynwyd SATC 18 mlynedd yn ôl ac yn y cyfnod hwnnw rydym wedi buddsoddi dros £546 miliwn yn ei gartrefi ac yn y blynyddoedd diweddar rydym wedi gwario dros £50 miliwn y flwyddyn. Mae Llywodraeth Cymru wedi cefnogi'n rhaglen ac wedi darparu £165 miliwn drwy ei Lwfans Atgyweiriadau Mawr tuag at gyflawni'r atgyweiriadau hyn.
Defnyddiwyd yr arian i gyflawni ystod eang o welliannau:
- Yn ein cartrefi, rydym wedi darparu ceginau ac ystafelloedd ymolchi newydd, boeleri effeithlon newydd, wedi gosod gwifrau trydan cwbl newydd, synwyryddion mwg a synwyryddion carbon monocsid.
- Yn allanol, rydym wedi gwneud gwaith diddosi rhag y gwynt a'r tywydd sy'n cynnwys toeon newydd, atgyweirio waliau, drysau, ffenestri a llawer o fesurau inswleiddio. Rydym hefyd wedi atgyweirio a gwella gerddi, gan eu gwneud yn ardaloedd mwy diogel a hylaw ac wedi gwneud gwelliannau i amgylcheddau lleol. Mae'r cyngor wedi buddsoddi dros £2 miliwn y flwyddyn ar addasu cartrefi i'w gwneud yn lleoedd haws i'r tenantiaid hynny â phroblemau corfforol ac iechyd fyw ynddynt.
| Elfen SATC | Eiddo sy'n cydymffurfio'n llwyr | % yr eiddo sy'n cydymffurfio'n llwyr |
|---|---|---|
| Toeon | 13,447 | 99% |
| Ffenestri | 13,634 | 100% |
| Drysau | 13,535 | 99% |
| Ceginau | 12,117 | 89% |
| Ystafelloedd ymolchi | 11,668 | 86% |
| Systemau gwresogi | 13,378 | 98% |
| Sgôr ynni | 11,847 | 87% |
| Systemau trydanol | 13,563 | 99% |
| Larymau mwg | 13,628 | 100% |
| Gerddi | 10,980 | 81% |
Y dyfodol
Byddwn yn parhau i atgyweirio a chynnal a chadw'n cartrefi ac yn sicrhau ein bod yn parhau i gydymffurfio â SATC. Mae Llywodraeth Cymru eisoes yn gweithio ar safonau newydd a fydd yn gwella'n cartrefi ymhellach yn y dyfodol. Rydym yn disgwyl y byddwn yn gallu rhannu rhagor o wybodaeth â chi yn 2023.
Rhannu'r dudalen hon
Argraffu
