Rhoddi neu fabwysiadu mainc- Manylion y meinciau sydd ar gael

Yn anffodus, rydym wedi gorfod gohirio ceisiadau newydd ar gyfer mabwysiadu meinciau presennol dros dro oherwydd ôl-groniad o archebion. Caiff y broses ymgeisio ei rhoi ar waith unwaith eto cyn gynted â phosib, ond ni allwn rhoi dyddiad penodol ar hyn o bryd. Bydd ceisiadau ar gyfer rhoi meinciau newydd ar agor o hyd yn ystod y cyfnod hwn. Diolch am eich amynedd.   

Bwriadwn gadw meinciau tebyg wedi'u grwpio gyda'i gilydd am resymau esthetig. Bydd ein Tîm Meinciau'n trafod hyn â chi pan fyddwch yn dewis y math o fainc a'r ardal.

Mainc Grafton

Mainc ffurf gyfoes gyda ffrâm haearn bwrw ac estyll pren caled a chaen sy'n gwarchod y ffrâm rhag effeithiau'r môr. Mae'r ffrâm sylweddol a'r estyll pren trwm yn gwneud y fainc hon yn addas ar gyfer ardaloedd defnydd trwm. Mae'r ffurf hon yn fwyaf cyffredin mewn lleoliadau blaendraeth fel Promenâd Abertawe.

Mainc plastig wedi'i ailgylchu

Mainc drom a chadarn wedi'i gwneud yn gyfan gwbl o ddeunyddiau wedi'u hailgylchu, o blastigion a ddefnyddiwyd gan ddiwydiant a defnyddwyr. Mae'n gallu gwrthsefyll tywydd garw ac nid oes angen fawr ddim gwaith cynnal a chadw arni. Ar gael mewn lliw brown neu wyrdd.

Mainc Harlech

Mae hon yn fainc boblogaidd a chost-effeithiol, sy'n gadarn iawn ac yn gwrthsefyll fandaliaeth.

Mainc Brompton

Mainc bren drom â dyluniad traddodiadol i'w defnyddio yng Ngerddi Botaneg Parc Singleton a Gerddi Clun yn unig. Mae'r estyll cefn 16mm o drwch yn lleihau fandaliaeth heb ddifetha'r dyluniad cain hwn.