Rhoddi neu fabwysiadu mainc

Mae Cyngor Abertawe yn falch o ystyried ceisiadau i roddi neu fabwysiadu mainc drwy ein cynllun 'rhoddi neu fabwysiadu mainc'. Mae hyn yn ffordd wych o gefnogi a mwynhau parciau a gerddi Abertawe lle mae llawer o bobl yn mwynhau treulio amser gyda'u teuluoedd ac yn rhoi lle i breswylwyr eistedd ac ymlacio, boed law neu hindda.

Mae ein cynllun 'rhoddi neu fabwysiadu mainc' yn cynnig y cyfle i fusnesau, sefydliadau neu unigolion roddi mainc newydd, neu un yn lle hen fainc neu fabwysiadu mainc sy'n bodoli, a chael un wedi'i lleoli mewn lle personol, go iawn yn ein dinas. Bydd pob mainc yn aros yno am oes y fainc nes y daw'n anniogel i'w defnyddio ymhellach.

Ar ôl yr amser hwn, bydd y Cyngor yn ceisio cysylltu â'r rhoddwr i ddweud bod y cyfnod wedi dod i ben a chynnig opsiynau, gan ganiatáu i'r rhoddwr ail-roddi / ail-fabwysiadu mainc newydd yn yr un lleoliad neu ganiatáu i'r fainc gael ei hail-leoli.

Mae'r pris rhoddi mainc a ddarperir yn cynnwys:

• Cyflenwi a danfon mainc.
• Sylfaen addas (un newydd neu un sydd eisoes yn bod)
• Gwaith gosod
• Plac gydag arysgrif o'ch dewis.

Mae'r pris mabwysiadu mainc a ddarperir yn cynnwys:

• Mainc a ddefnyddiwyd.
• Plac gydag arysgrif o'ch dewis.

Placiau ac ysgythriad

Mae tri phrif fath o blac i ddewis ohonynt. Trafodir y maint a'ch dewis o eiriau yn eich ymghynghoriad.

• Dur gwrthstaen.
• Pres (D.S. Bydd placiau pres yn colli sglein gydag amser)
• Plastig - dewis amgen ar gyfer pob tywydd, gyda llythrennau du ar gefndir lliw efydd.
• Arysgrif yn yr astell uchaf (meinciau Brompton a Grafton yn unig)

Sylfaen a phadiau

Bydd lleoliad terfynol y fainc yn ddibynnol ar y sylfaen y gosodir y fainc yn sownd ynddi. Bydd hyn naill ai ar syflaen goncrit neu bad concrit. Rhoddir manylion yn ystod eich ymgynghoriad.

Ymgynghoriad

Bydd ein Tîm parciau'n derbyn eich ymholiad ac yn eich helpu ar bob cam o'r broses.

Bydd meinciau'n cymryd tua 30 wythnos o'u harchebu i'w gosod, yn ddibynnol ar gyflenwyr, llwyth gwaith a chyfyngiadau tywydd.

Meinciau wedi'u rhoddi neu eu mabwysiadu - argaeledd safleoedd

Dim ond ar dir sy'n eiddo i Ddinas a Sir Abertawe y gellir rhoddi neu fabwysiadu meinciau o dan y cynllun hwn. Caiff ceisiadau am fabwysiadu neu roddi eu hystyried yn y lleoliadau a restrir isod. Nodwch y lleoliad a ddymunir ar yr adeg ymholi.

Mae angen uwchraddio nifer o feinciau presennol yn y lleoliadau canlynol cyn gynted â phosib, a byddai rhoi mainc newydd yn eu lle yn gwella'r ardal yn sylweddol er mwyn i breswylwyr Abertawe ac ymwelwyr ei mwynhau:

• Y rhan fwyaf o barciau Abertawe (ac eithrio Parc Gwledig Dyffryn Clun). Mae rhestr o'r holl barciau i'w chael yma: A-Y o barciau, gwarchodfeydd natur a mannau awyr agored
• Gerddi Botaneg, Parc Singleton.
• Llyn y Fendrod.
• Promenâd Abertawe rhwng Blackpill a'r Ganolfan Ddinesig.
• Tir Castell Ystumllwynarth (meinciau presennol i'w mabwysiadu'n unig).
• Gerddi Clun (argaeledd cyfyngedig).
• Llwybr beicio Clun (mae lleoliadau'n brin).
• Llwybr beicio Cwm Tawe Isaf - Clydach i Abertawe (mae lleoliadau'n brin)

Yn anffodus, gan fod meinciau wedi'u clustnodi ar gyfer pob lleoliad, nid oes modd gosod rhagor o feinciau yn y lleoliadau canlynol:

• Parc Gwledig Dyffryn Clun
• Mynydd Cilfái
• Pob llwybr ar hyd clogwyni a baeau arfordir Gŵyr, gan gynnwys:
  • Bae Rhosili
  • Bae Horton
  • Bae Porth Einon
  • Bae Oxwich
  • Bae Pwll Du
  • Bae Caswell
  • Bae Langland
  • Bae Rotherslade
  • Bae Limeslade
  • Bae Bracelet
  • Promenâd y Mwmbwls rhwng Knab Rock a Blackpill
  • Promenâd Abertawe rhwng y Ganolfan Ddinesig a'r Ardal Forol.

Gweler lluniau o'r meinciau a ddefnyddir gennym isod. Bydd angen i unrhyw fainc a ddewisir gyd-fynd â'r ardal y bydd yn mynd iddi a bydd angen i'r tîm Parciau gadarnhau hyn.

Gweler y cwestiynau cyffredin. Os oes gennych ymholiadau pellach, e-bostiwch parks.section@abertawe.gov.uk