Safleoedd cartrefi symudol preswyl

Daeth Deddf Cartrefi Symudol (Cymru) 2013 (Yn agor ffenestr newydd) fe'i lluniwyd i helpu i wella rheoliad y diwydiant, fel bod amodau safleoedd cartrefi symudol yn cael eu gwella a bod hawliau preswylwyr yn cael eu hamddiffyn yn well.

Trwyddedau safle

Rhaid bod gan bob safle cartref symudol drwydded safle a gyhoeddwyd gan yr awdurdod lleol ar barc a chanddo ganiatâd cynllunio perthnasol. Rhoddir trwyddedau safle am hyd at 5 mlynedd fel arfer.

Safonau enghreifftiol 

Mae Safonau Enghreifftiol 2008 ar gyfer Safleoedd Carafán yng Nghymru (Yn agor ffenestr newydd) yn nodi'r amodau 'a ddisgwylir fel arfer fel mater o arfer da ar safleoedd'. Maent yn berthnasol i garafanau preswyl yn unig a gallant gynnwys meysydd fel cynlluniau parciau cartrefi symudol a darparu cyfleusterau, gwasanaethau a chyfarpar ar eu cyfer. Gwnaeth y safonau hyn gyflwyno nifer o newidiadau, yr oedd y rhai mwyaf sylweddol yn ymwneud â:

• delio gyda ffiniau safle'r parc
• esbonio'n gliriach yr hyn y dylid ei ganiatáu neu beidio o fewn y man gwahanu chwe metr rhwng cartrefi
• caniatáu i gar unigol barcio rhwng cartrefi
• gofyn am lawr concrit ar gyfer pob cartref 
• ehangu gofynion draenio parciau i gynnwys y llain 
• sicrhau bod ardaloedd cymunedol y safle'n cael eu cynnal mewn cyflwr da
• pennu'r safonau gofynnol sydd eu hangen ar gyfer cyflenwi dŵr, trydan, draenio a glanweithdra
• gwneud yn glir bod tir a glustnodwyd fel man hamdden yn ofynnol pan fo plant yn byw yn y parc yn unig

Mae Llywodraeth Cymru wedi cynhyrchu canllaw defnyddiol ar gyfer preswylwyr safle, y bwriedir iddo roi trosolwg cryno o'r newidiadau allweddol a nodwyd o fewn Deddf Cartrefi Symudol (Cymru) 2013.

Ble mae'r safleoedd cartrefi parc yn Abertawe?

Mae pedwar safle cartrefi parc preswyl trwyddedig yn Abertawe. Dyma nhw:

• Parc Cannisland, Blackhills, Gŵyr
• Parc Woodland, 360 Heol Abertawe, Waunarlwydd, Abertawe
• Gerddi Mill oddi ar Heol y Mwmbwls, Blackpill, Abertawe
• Heol Ystrad, Fforestfach, Abertawe.

View Residential mobile homes in a larger map

Rheolau safle

Nid oes unrhyw rwymedigaeth gyfreithiol i gyflwyno rheolau ynghylch rhedeg safle. Ond os yw perchennog y parc yn penderfynu gwneud hynny, mae'n rhaid dilyn gweithdrefn lem. Gallwch ddod o hyd i'r weithdrefn yn Rheoliadau Cartrefi Symudol (Rheolau Safle) (Cymru) 2014 (Yn agor ffenestr newydd). Pwrpas rhoi'r rheolau safle ar waith yw sicrhau y cynhelir safonau derbyniadwy ar y safle er lles cyffredinol deiliaid er mwyn hyrwyddo cydlyniant cymunedol ar y safle.

Rheolau safle a adneuwyd gyda'r Awdurdod Lleol

Rheolau safle Cannisland Park (Word doc, 3 MB)

Rheolau safle Mill Gardens (PDF, 53 KB)

Am unrhyw ymholiadau mewn perthynas â chartrefi symudol preswyl yn Abertawe cysylltwch hph@abertawe.gov.uk.