Gwasgaru gweddillion ym mharciau, traethau a mannau agored Cyngor Abertawe

Nid ydym yn gwrthwynebu gwasgaru gweddillion ar dir sy'n eiddo i'r cyngor, ar yr amod bod y weithred yn cael ei chyflawni mewn modd call, gofalusa pharchus, heb effeithio ar fwynhad eraill sy'n defnyddio'r lle. Nid oes angen caniatâd ymlaen llaw, ond gofynnwn yn garedig i chi wasgaru gweddillion yn unol â chanllawiau amgylcheddol a heb adael unrhyw ôl gweladwy.

Byddwch yn ymwybodol fod yn rhaid i Gyngor Abertawe barhau i gynnal ein parciau a'n mannau agored a gwneud newidiadau iddynt, gan gynnwys ardaloedd lle gallai gweddillion fod wedi'u gwasgaru. Dylid ystyried hyn wrth ddewis lleoliad.

Er mwyn helpu i warchod harddwch naturiol a hygyrchedd y mannau hyn, gofynnwn i chi ddilyn y canllawiau hyn:

• Gwasgarwch weddillion yn denau dros ardal eang, i ffwrdd o brif lwybrau ac ardaloedd prysur.
• Peidiwch â marcio'r ddaear gyda blodau, croesau, cerrig neu eitemau eraill. Ni chaniateir cofebion a byddant yn cael eu symud i sicrhau bod y lle'n parhau i fod ar agor ac yn gynhwysol.
• Peidiwch â phlannu bylbiau, blodau neu goed yn yr ardal.
• Dewiswch amser tawel pan fydd llai o bobl yn bresennol i sicrhau preifatrwydd a pharch.
• Wrth wasgaru gweddillion ardraethau a reolir gan y cyngor,rhaid gwasgaru gweddillion islaw llinell y llanw.
• Rhaid osgoi gwasgaru gweddillion mewn coetir hynafol neu'n uniongyrchol o dan goed, gan y gall gweddillion newid cemeg pridd a niweidio ecosystemau bregus. Archwilio coetiroedd hynafol Gŵyr - Abertawe)
• Sylwer- mae'r canllawiau hynyn berthnasol i Barciau, Traethau a Mannau Agored a reolir gan Gyngor Abertawe'n unig. Efallai bydd gan berchnogion tir preifat wahanol weithdrefnau ar waith; ni allwn roi cyngor i chi mewn perthynas â hyn.

Rydym hefyd yn deall y gall fod rhai preswylwyr yn dymuno coffáu eu hanwyliaid mewn ffordd fwy parhaol a gweladwy. Mewn achosion o'r fath, rydym yn eich gwahodd i ystyried mentrau eraill fel Rhoddi neu fabwysiadu mainc Cyngor Abertawe. Mae'r rhaglen hon yn caniatáu i unigolion gyflwyno mainc er cof am rywun arbennig, gan ddarparu lle tawel i fyfyrio wrth gyfrannu at harddwch a hygyrchedd ein mannau cyhoeddus.

Gwerthfawrogwn eich cydweithrediad wrth helpu ein parciau a'n mannau agored i barhau'n fannau tawel, naturiol a chroesawgar i bawb.