CETMA Abertawe

Dydd Llun i ddydd Iau, 10.00am - 4.00pm

• Banciau bwyd a chefnogaeth
• Lle Llesol Abertawe
• Cynhyrchion mislif am ddim
• Data Ffonau Symudol am ddim
• Cyfleusterau'r lleoliad

Banciau bwyd a chymorth bwyd arall

Rydym yn cynnig pecynnau bwyd brys 24 awr y bwriedir iddynt fwydo unigolion am 24 awr nes eu bod yn gallu cyrraedd banc bwyd/derbyn eu taliadau budd-dal. Nid ydym yn fanc bwyd cynhwysfawr, fodd bynnag, gallwn gyfeirio pobl at fanciau bwyd mewn rhai amgylchiadau. Er enghraifft, mae gennym berthynas dda â Banc Bwyd Sgeti ar gyfer atgyfeiriadau.

Lle Llesol Abertawe

Dydd Llun i ddydd Iau o 10am i 4pm.

Yn ystod ein horiau agor gall unrhyw un ddod i mewn i'r swyddfa i gysgodi rhag y tymheredd/tywydd. 

• Gemau / gemau bwrdd
  • gall defnyddwyr hefyd chwarae gêm ar gonsol. Ar hyn o bryd mae PS3 a Sega MegaDrive ar gael gennym, gyda detholiad o gemau. Mae amrywiaeth o gemau bwrdd ar gael hefyd
• Mae lluniaeth ar gael
  • mae gennym amrywiaeth o greision, ac rydym hefyd yn cynnig cawl, te/coffi a dŵr potel
• Dŵr yfed ar gael
• Mae croeso i ymwelwyr ddod â'u bwyd / diodydd eu hunain
• Cyngor, gwybodaeth a chyfeirio
  • pan fydd defnyddwyr yn yr hwb cynnes, gallant hefyd holi ynghylch yr ystod o wasanaethau eraill rydym yn eu cynnig, a'u defnyddio, ac mae'n bosib y byddwn yn gallu helpu gydag ymholiadau cyffredinol eraill neu eu cyfeirio at wasanaethau.

Fel un o bartneriaid WeAreGroup, gallwn helpu defnyddwyr i lenwi ffurflenni apêl ar-lein amrywiol a rhai ffurflen cais eraill y llywodraeth. Gellir trefnu apwyntiadau o bell ac wyneb yn wyneb; mae apwyntiadau ar yr un diwrnod/galw heibio hefyd yn opsiwn (gan ddibynnu a oes slotiau ar gael). Mae'r gwasanaethau a gwmpesir gan hyn yn cynnwys:

• Nawdd Cymdeithasol a Chynnal Plant (apeliadau, nid ceisiadau cychwynnol) - Taliadau Annibyniaeth Personol, Credyd Cynhwysol, Lwfans Cyflogaeth a Chymorth etc.
• Hawliadau Arian Sifil ar-lein
• Gwasanaeth Cyfiawnder Sengl
• Help gyda ffioedd
• Ysgariad
• Profiant

Cynhyrchion mislif am ddim

• Dydd Llun - dydd Iau, 10.00am - 4.00pm
  Rydym yn cynnig bagiau brown bach am ddim sy'n cynnwys padiau/tamponau i unrhyw sydd eu hangen.

Data Ffonau Symudol am ddim

Fel rhan o'r Gronfa Ddata Genedlaethol, gallwn ddarparu data/cardiau SIM ar gyfer ffonau symudol am ddim. Mae gennym stoc o gardiau SIM O2, Three a Vodafone i'w rhoi (gan ddibynnu ar yr hyn sydd ar gael).

Cyfleusterau'r lleoliad

• WiFi am ddim
• Mannau gwefru am ddim ar gyfer ffonau neu ddyfeisiau eraill
• Defnydd am ddim o gyfrifiaduron/ddyfeisiau 
• Toiledau / toiledau hygyrch