Datganiad o Fwriad Cymhwysedd Hyblyg ECO4 Cyngor Abertawe

Enw'r awdurdod lleol: Cyngor Abertawe

Dyddiad cyhoeddi: 20/06/23

Rhif y fersiwn gyfredol: F.2

Fersiynau wedi'u disodli / tynnu'n ôl
Datganiad o Fwriad Cymhwysedd Hyblyg ECO4 Cyngor Abertawe F1 (tnnwyd yn ôl 19/06/23) (Word doc) [57KB]

Cyhoeddiad ar y wefan: ECO Flex

Mae'r datganiad hwn yn amlinellu meini prawf cymhwysedd hyblyg Cyngor Dinas a Sir Abertawe ar gyfer y cynllun Rhwymedigaeth Cwmni Ynni (ECO4) o fis Ebrill 2022 tan fis Mawrth 2026.  

Bydd y cynllun ECO4 yn canolbwyntio ar gefnogi aelwydydd incwm isel ac agored i niwed. Bydd y cynllun yn gwella'r cartrefi lleiaf ynni-effeithlon gan eu helpu i gyflawni ymrwymiadau tlodi tanwydd a sero net y Llywodraeth.  

Cyfeirir at yr ymagwedd hyblyg y gall Awdurdodau Lleol (ALlau) ei dilyn i nodi aelwydydd sy'n agored i niwed ac sy'n dlawd o ran tanwydd, a all elwa o fesurau arbed gwres ac ynni, fel "ECO4 FLEX".  

Mae'r cyngor yn croesawu cyflwyno'r llwybrau cymhwysedd ECO4 Flex gan fod hyn yn helpu'r cyngor i gyflawni'i gynlluniau i wella cartrefi'r rheini sydd mewn tlodi tanwydd neu y gall yr oerfel effeithio'n andwyol arnynt.  

Mae [Tîm ECO/Ynni} Cyngor Abertawe'n rheoli fframwaith o osodwyr ECO4 cymeradwy, sy'n caniatáu i osodwyr wneud atgyfeiriadau uniongyrchol i'r cynllun ar gyfer gwiriadau cymhwysedd a llofnodi datganiadau (lle bo pobl yn gymwys). Nid yw'r tîm yn derbyn atgyfeiriadau gan ysgogwyr arweiniol na thrydydd partïon nad ydynt wedi'u hachredu i ymgymryd â gwaith ECO4 eu hunain. 

Mae'r cyngor yn cyhoeddi'r Datganiad o Fwriad hwn ar 10 10 2022 i gadarnhau y bydd pob un o'r aelwydydd a ddatganwyd yn cadw at o leiaf un o'r pedwar llwybr a amlinellir isod:  

Llwybr 1: Aelwydydd bandiau D-G y Weithdrefn Asesu Safonol â pherchennog preswyl ac aelwydydd E-G y sector rhentu preifat gydag incwm sy'n llai na £31,000. Mae'r terfyn hwn yn gymwys ni waeth beth yw maint, cyfansoddiad neu ardal yr eiddo.

Llwybr 2:  Aelwydydd bandiau E-G y Weithdrefn Asesu Safonol sy'n bodloni dau o'r procsis canlynol:

Procsi 1) Cartrefi yn narpariaeth Ardal Gynnyrch Ehangach Haen Is 1-3 Cymru ar Fynegai Amddifadedd Lluosog Cymru 2019¹

Procsi 2) Deiliaid tai sy'n derbyn ad-daliad treth y cyngor (ad-daliadau yn seiliedig ar incwm isel yn unig, ac eithrio ad-daliad ar gyfer person sengl.)

Procsi 3) Deiliaid tai sy'n agored i niwed o ganlyniad i fyw mewn cartref oer, fel a nodwyd yn Arweiniad y Sefydliad Cenedlaethol dros Ragoriaeth mewn Iechyd a Gofal (NICE). Dim ond un procsi o'r rhestr y gellir ei ddefnyddio, ac eithrio'r procsi 'incwm isel'.  

Procsi 4) Deiliad tŷ sy'n derbyn prydau ysgol am ddim oherwydd incwm isel.

Procsi 5) Deiliad tŷ a gefnogir gan gynllun a gynhelir gan yr ALl, sydd wedi'i enwi a'i ddisgrifio gan yr ALl fel cynllun sy'n cefnogi aelwydydd incwm isel ac agored i niwed at ddibenion Arweiniad NICE (ddim ar waith ar hyn o bryd).

Procsi 6) Aelwyd a atgyfeiriwyd i'r ALl am gymorth gan ei chyflenwr ynni neu Gyngor ar Bopeth oherwydd y nodwyd ei bod yn cael trafferth talu biliau trydan a nwy.

*Sylwer nid oes modd defnyddio procsis 1 a 3 gyda'i gilydd.  

Llwybr 3: Aelwydydd bandiau D-G y Weithdrefn Asesu Safonol â pherchennog preswyl ac aelwydydd E-G y sector rhentu preifat y nodwyd gan berson a gofrestrwyd ar y Gofrestr Meddygon Teulu, Bwrdd Iechyd yr Alban, Bwrdd Iechyd Cymru, Ymddiriedolaeth Sefydledig y GIG neu Ymddiriedolaeth y GIG eu bod yn ddiamddiffyn, gyda phreswylydd y gall parhau i fyw mewn cartref oer gael effaith ar ei gyflyrau iechyd. Gall y cyflyrau iechyd hyn fod yn gardiofasgwlaidd, yn anadlol, yn imiwnoataliedig neu'n gysylltiedig â symudedd cyfyngedig.

Llwybr 4: Aelwydydd bandiau D-G y Weithdrefn Asesu Safonol â pherchennog preswyl ac aelwydydd E-G y sector rhentu preifat a atgyfeiriwyd dan Lwybr 4: Targedu Pwrpasol. Gall cyflenwyr ac ALlau gyflwyno cais i ESNZ os ydynt wedi nodi aelwyd incwm isel a diamddiffyn, nad yw eisoes yn gymwys dan y llwybrau presennol (ddim ar waith ar hyn o bryd).

Mae hyn oherwydd mae'r cyngor wedi nodi cydberthynas gadarnhaol rhwng aelwydydd incwm isel sy'n dioddef o gyflyrau iechyd tymor hir, a byw mewn aelwydydd sydd wedi'u hinsiwleiddio'n wael.  

¹ English indices of deprivation 2019 (gov.uk) (Yn agor ffenestr newydd)

² Welsh Index of Multiple Deprivation (gov.wales) (Yn agor ffenestr newydd)

³ Scottish Index of Multiple Deprivation 2020 (gov.scot) (Yn agor ffenestr newydd) 

Datganiad a chadarnhad o wiriad tystiolaeth

Dylai'r holl aelwydydd y gallant fod yn gymwys wneud cais drwy Ddinas a Sir Abertawe neu un o'u gosodwyr ECO cymeradwy i sicrhau y gallant naill ai elwa o'r cynllun neu gael eu hasesu ar gyfer cymhwystra dan unrhyw raglen berthnasol arall. 

Y swyddog isod fydd yn gyfrifol am wirio a dilysu datganiadau a thystiolaeth ategol a gyflwynir ar ran yr awdurdod lleol:  

Enw: Julia Owens
Teitl y swydd: Galluogi Swyddog Cymorth
Rhif ffôn: 01792 635047
E-bost: julia.owens@abertawe.gov.uk

Llofnod gorfodol y Prif Swyddog Gweithredol neu'r person cyfrifol dynodedig

Bydd Cyngor Abertawe'n gweinyddu'r cynllun yn unol â Gorchymyn Trydan a Nwy (Rhwymedigaeth Cwmni Ynni) 2022 (Gorchymyn ECO4) a bydd yn nodi aelwydydd cymwys drwy broses ymgeisio Ofgem. Bydd Prif Swyddog Gweithredol y cyngor yn goruchwylio'r broses o nodi aelwydydd cymwys dan ECO Flex.

Caiff yr wybodaeth gymhwystra ei storio'n ddiogel yn unol â pholisi diogelu data'r cyngor, Côd Rhannu Data Swyddfa'r Comisiynydd Gwybodaeth ac arweiniad BEIS.

Llofnod: Carol Morgan, Pennaeth Adran Tai a Iechyd Y Cyhoedd

Am unrhyw ymholiadau cyffredinol mewn perthynas â'r Datganiad o Fwriad hwn, e-bostiwch julia.owens@abertawe.gov.uk