Tirwedd Genedlaethol Gŵyr - Ardal o Harddwch Naturiol Eithriadol

Gŵyr - bro ar wahân...

... tirwedd werthfawr y mae ei naws unigryw a'i harddwch naturiol mor eithriadol fel ei bod yn cael ei diogelu i genedlaethau'r dyfodol ...

Fe'i dynodwyd yn Ardal o Harddwch Naturiol Eithriadol ym 1956 ar gyfer ei harfordir calchfaen clasurol a'r cynefinoedd naturiol amrywiol. Hon oedd yr ardal gyntaf o'i bath i'w dynodi yn y DU. Bellach rydym yn rhan o deulu o 46 AoHNEau ac 13 parc cenedlaethol yng Nghymru, Lloegr a Gogledd Iwerddon.

Mae golygfeydd godidog ac amrywiol Gŵyr yn cynnwys twyni a morfeydd heli brau yn y gogledd a chlogwyni calchfaen trawiadol ar hyd arfordir y de, wedi'u gwahanu gan draethau tywod. Y tu mewn i'r tir, ceir tirwedd o gaeau bach traddodiadol, dyffrynoedd coediog a thiroedd comin agored, i gyd yng nghysgod bryniau Cefn Bryn a Mynydd Rhosili.

Gyda thraethau arobryn, arfordir trawiadol, rhosydd tonnog a phentrefi traddodiadol wedi'u cysylltu gan lonydd bach, mae Gwyr yn lle delfrydol i ymlacio ac adfer eich egni.

Gŵyr - rheolaeth drwy bartneriaeth

Mae tîm Tirwedd Genedlaethol Gŵyr yn gweithio mewn partneriaeth agos gyda'r holl rai sy'n byw, yn gweithio ac yn rheoli'r tir yng Ngŵyr.

Cysylltu â'r Tirwedd Genedlaethol Gŵyr Genedlaethol.

Mae Dinas a Sir Abertawe'n cyflogi tîm bach i roi Cynllun Rheoli'r Tirwedd Genedlaethol Gŵyr ar waith a chefnogi'r Bartneriaeth Tirwedd Genedlaethol Gŵyr.

Ffynonellau eraill o wybodaeth am benrhyn Gŵyr

Gallwch ddefnyddio'r dolenni hyn i ddarganfod hyd yn oed mwy am Benrhyn Gŵyr.

Beth yw Tirwedd Genedlaethol?

Mae Tirwedd Genedlaethol Gŵyr wedi'i dynodi'n ardal o harddwch naturiol eithriadol. Mae ei naws unigryw a'i harddwch naturiol mor werthfawr fel y caiff ei gwarchod er budd y genedl.

Prosiect cael gwared ar iorwg Castell Pennard

Mae Castell Pennard sy'n edrych dros Bae y Tri Chlogwyn yn un o ddelweddau mwyaf adnabyddus Gŵyr. Clwb Golff Pennard sy'n berchen ar ac yn rheoli'r castell fel Heneb Gofrestredig.

Gŵyr - datblygu cynaliadwy

Mae Partneriaeth yr Tirwedd Genedlaethol Gŵyr yn gweithredu cynllun grantiau bach sydd â'r nod o ddatblygu a phrofi ffyrdd o gyflawni ffordd fwy cynaliadwy o fyw ym mhenrhyn Gŵyr.

Tirwedd Genedlaethol Gŵyr - Ffermio Bro

Mae Ffermio Bro yn rhaglen Llywodraeth Cymru sy'n rhedeg tan Fawrth 2028. Rhaglen i dod â ffermwyr a thirfeddianwyr at ei gilydd i greu newid amgylcheddol cadarnhaol ar draws ein tirweddau mwyaf gwerthfawr. Ein prif amcan o fewn Tirwedd Genedlaethol Gŵyr yw adeiladu ecosystemau gwydn tra'n cefnogi arferion ffermio cynaliadwy.