Cynllunio arddangosfa: Ymateb blaengar Abertawe
Roedd Cyngor Bwrdeistref Sirol Abertawe ymhlith y cyntaf yng Nghymru i ddarparu tai ar ddull Gardd-ddinas.
![An Exhibition is planned](/image/2248/Exhibition-is-planned/gi-responsive__100.jpg?m=1629125162347)
Roedd Cyngor Abertawe'n pryderu am y stoc tai a bywyd y tlodion, a gwelwyd diddordeb cynnar yn yr egwyddorion cynllunio newydd. Ym 1906, aeth y cynghorwyr Ruthen a Solomon i gynhadledd yr Housing Reform, lle trafodwyd am y tro cyntaf y posibilrwydd o gynnal arddangosfa dai yn Abertawe, yn debyg i Arddangosfa Fythynnod Letchworth 1905. Yma hefyd y daeth Syr Raymond Unwin i gysylltiad â'r cynadleddwyr o Abertawe am y tro cyntaf.
Ffurfiwyd pwyllgor arddangosfa, gydag aelodau o Gyngor Dosbarth Trefol Castell-nedd, Cyngor Tref Casnewydd a Chyngor Masnach Treforys a Bwrdeistref Abertawe. Roedd y tir ym Mayhill eisoes yn eiddo i'r cyngor, gyda'i olygfeydd ysblennydd dros y bae a'r aer glân ymhell o'r gweithfeydd. Dyma leoliad delfrydol ar gyfer arddangosfa. Adeiladwyd ffyrdd dynesu, a nodwyd ardal ar gyfer adeiladu. Gwahoddwyd penseiri i gynllunio ac adeiladu tai ar gyllideb fach i ddangos y gallai tai rhad fod yn eang ac wedi'u cynllunio'n dda. Cyn hir, cafwyd cynlluniau a dechreuodd y gwaith adeiladu.
Darllen am Arddangosfa Fythynnod De Cymru
Dewis iaith
Addaswyd diwethaf ar 30 Ionawr 2023