Gwneud cais am Drwydded Mangre newydd: Pecyn gwybodaeth Deddf Trwyddedu 2003
Trwydded mangre: Cost y drwydded
Mae'r ffi i gyd-fynd â'r cais am drwydded mangre yn seiliedig ar werth ardrethol annomestig y fangre.
| Band | A | B | C | D | E |
|---|---|---|---|---|---|
| Gwerth ardrethol annomestig | Ddim - £4,300 | £4,301 - £33,000 | £33,001 - £87,000 | £87,001 - £125,000 | £125,001+ |
| Trwydded mangre newydd | £100 | £190 | £315 | £450 | £635 |
| Ar gyfer safleoedd sy'n dod o dan fandiau D neu E ac sy'n cael eu defnyddio ar gyfer cyflenwi alcohol i'w yfed ar y safle yn bennaf neu'n unig, mae'r ffi canlynol yn berthnasol | x2 £900 | x3 £1905 |
Ar gyfer eiddo sydd yn y broses o gael ei adeiladu - mae Band C yn berthnasol.
Ar gyfer pob eiddo arall (h.y. heb ei raddio eto) - mae Band A yn berthnasol.
Os oes angen eglurhad arnoch ar eich gwerth ardrethol annomestig, gallwch ymweld â gwefan Swyddfa Brisio'r Llywodraeth yn www.voa.gov.uk
Fel arall, gallwch gysylltu ag Is-adran Ardrethi Busnes Dinas a Sir Abertawe ar (01792) 635937.
Ffioedd Blynyddol
Bydd trwyddedau mangre, os byddant yn cael eu caniatáu, hefyd yn destun ffi flynyddol yn seiliedig ar eu gwerth ardrethol. NID OES rhaid talu'r ffi flynyddol hon gyda'ch cais, ond RHAID ei THALU yn flynyddol ar ben-blwydd rhoi'r drwydded. Bydd peidio â thalu eich ffi flynyddol ar y dyddiad sy'n ddyledus yn arwain at gyhoeddi hysbysiad atal. Bydd y drwydded mangre wedyn yn cael ei hatal nes caiff y ffi flynyddol ei thalu.
| Band | A | B | C | D | E |
|---|---|---|---|---|---|
| Gwerth ardrethol annomestig | Ddim- £4,300 | £4,301 - £33,000 | £33,001 - £87,000 | £87,001 - £125,000 | £125,001+ |
| Ffi flynyddol | £70 | £180 | £295 | £320 | £350 |
| Ar gyfer safleoedd sy'n dod o dan fandiau D neu E ac sy'n cael eu defnyddio ar gyfer cyflenwi alcohol i'w yfed ar y safle yn bennaf neu'n unig | x2 £640 | x3 £1050 |
Ceir ffioedd ychwanegol ar gyfer trwyddedau mangre a ddefnyddir ar gyfer digwyddiadau mawr iawn (5000+ o bobl).
| Nifer sy'n bresennol ar unrhyw adeg | Ffi ar gyfer trwydded mangre ychwanegol | Ffi flynyddol ychwanegol sy'n daladwy os yw'n berthnasol |
|---|---|---|
| 5,000 i 9,999 | £1,000 | £500 |
| 10,000 i 14,999 | £2,000 | £1000 |
| 15,000 i 19,999 | £4,000 | £2,000 |
| 20,000 i 29,999 | £8,000 | £4,000 |
| 30,000 i 39,999 | £16,000 | £8,000 |
| 40,000 i 49,999 | £24,000 | £12,000 |
| 50,000 i 59,999 | £32,000 | £16,000 |
| 60,000 i 69,999 | £40,000 | £20,000 |
| 70,000 i 79,999 | £48,000 | £24,000 |
| 80,000 i 89,999 | £56,000 | £28,000 |
| 90,000 a throsodd | £64,000 | £32,000 |
I gael rhagor o wybodaeth, cyfeiriwch at Reoliad 4(4) a 4(5) o Reoliadau Deddf Trwyddedu 2003 (ffioedd) 2005.
Pa mor hir y bydd trwydded mangre yn para?
Bydd trwydded mangre fel arfer yn cael ei rhoi am 'oes y busnes', ac felly dim ond un ffi ymgeisio y bydd rhaid ei thalu. Bydd 'ffi flynyddol' hefyd yn berthnasol fel y nodwyd yn flaenorol.
Os oes newid sylweddol yn y busnes, nad oes modd delio ag ef yn rhesymol trwy amrywiad, byddai'n rhaid ymgeisio am drwydded newydd.
Gellir hefyd rhoi trwydded mangre am gyfnod penodol o amser. Byddai hyn yn berthnasol, o bosibl ar gyfer digwyddiad mawr yn yr awyr agored sy'n para nifer penodol o ddyddiau neu hyd yn oed wythnosau.
Efallai y byddai modd cynnwys digwyddiadau tymor byr ar raddfa fach mewn Hysbysiadau digwyddiad dros dro (TEN)
Dewis iaith
Rhannu'r dudalen hon
Argraffu
