Hybiau beicio
Gadewch eich beic mewn lle diogel drwy gydol y dydd neu dros nos. Mae gennym loceri diogel ym maes parcio'r Cwadrant yng nghanol y ddinas ac ar safle parcio a theithio Fabian Way.
Hwb beicio Fabian Way
- wedi'i leoli ar safle safle parcio a theithio Fabian Way
- yn hygyrch o ddydd Llun i ddydd Sadwrn, 6.45am i 7.30pm
- 20 o reseli beiciau unigol
- gorsaf atgyweirio beiciau
- mae'n rhaid i chi barcio'ch cerbyd ar y safle parcio a theithio a pharhau ar eich taith ar gefn beic
- mae drws diogel ar yr hwb y gallwch ei agor drwy ddefnyddio'r ap (gweler isod), dylai defnyddwyr hefyd ddefnyddio eu clo beiciau eu hunain
Ffïoedd a thalu
- ffi flynyddol o £50 i ddefnyddio'r hwb a pharcio am ddim ar y safle parcio a theithio ar gyfer eich cerbyd
- mae'n rhaid i chi gofrestru a thalu drwy'r ap Movatic (ar gael ar ffonau Android ac iPhone) cyn ei ddefnyddio, lle bydd angen i chi gytuno i holl amodau a thelerau'r cynllun
- cewch eich cofrestru ar y system adnabod rhifau cerbydau yn awtomatig a fydd yn eich caniatáu i fynd i mewn i'r maes parcio a'i adael yn hawdd heb orfod dibynnu ar ddilysu tocynnau neu wasgu'r botwm help er mwyn gadael
Loceri beiciau y Cwadrant
- wedi'u lleoli ar lawr gwaelod maes parcio aml-lawr y Cwadrant
- yn hygyrch 24/7
- y cyntaf i'r felin gaiff eu defnyddio
- dylai defnyddwyr ddefnyddio eu clo beiciau eu hunain
Ffïoedd a thalu
- £1 am 6 awr neu £2 drwy'r dydd
- mae'n rhaid i chi gofrestru a thalu drwy'r ap Movatic (ar gael ar ffonau Android ac iPhone) cyn defnyddio'r loceri, lle byddwch yn cytuno i holl amodau a thelerau'r cynllun
Beiciau sy'n cael eu gadael mewn loceri heb eu casglu
- ar ôl 48 awr byddwch chi'n cael eich rhybuddio drwy'r ap i gasglu'ch beic
- 24 awr ar ôl i chi gael eich rhybuddio, caiff y beic ei symud
- cedwir y beiciau sydd wedi'u symud am 30 niwrnod ar y mwyaf, a gall fod rhaid talu dirwy o £20 i'w casglu
- caiff unrhyw feiciau nad ydynt yn cael eu casglu ar ôl 30 niwrnod eu rhoi i elusen