Hybiau beicio

Loceri Beiciau'r Cwadrant

Mae gennym loceri diogel ar Garden Street (SA1 8PJ), rhwng maes parcio aml-lawr y Cwadrant a mynedfa Canolfan Siopa'r Cwadrant (ger ardal Shopmobility).

Mae'r loceri ar gael 24/7, ar sail y cyntaf i'r felin.

Sut i ddefnyddio'r loceri beiciau

1. Cofrestru:
   • ewch i Swyddfa Maes Parcio'r Cwadrant (llawr gwaelod maes parcio'r Cwadrant)
   • darparwch eich enw, eich manylion cyswllt, eich cyfeiriad e-bost ac ID ffotograffig er mwyn cofrestru
   • mae angen ID ffotograffig i sicrhau bod y beiciau'n cael eu rhyddhau i'r perchennog cywir
2. Diogelu eich beic:
   • bydd aelod o staff yn eich helpu i gloi eich beic yn yr hwb beiciau.
3. Taliad:
   • talwch wrth beiriannau talu'r Cwadrant cyn casglu'ch beic.
4. Casglu'ch beic:
   • dychwelwch i Swyddfa'r Maes Parcio gyda'ch ID ffotograffig i gasglu'ch beic
   • bydd staff yn datgloi eich beic ac yn ei ddychwelyd i chi

Ffïoedd a thalu

• £1 am hyd at 6 awr
• £2 drwy'r dydd

Gallwch dalu wrth beiriannau talu'r Cwadrant gan ddefnyddio:

• darnau arian
• cerdyn
• Google Pay neu Apple Pay

Beiciau nas casglwyd

Os bydd unrhyw feiciau'n cael eu gadael mewn locer am fwy na 48 awr byddwch yn derbyn e-bost atgoffa.

I ymestyn y cyfnod storio, ymatebwch i'r e-bost neu rhowch wybod i aelod o staff y maes parcio rhag i'ch beic gael ei symud.

Os nad ydych yn casglu'ch beic o fewn 24 awr i dderbyn yr e-bost atgoffa:

• bydd yn cael ei symud a'i storio'n ddiogel
• efallai bydd rhaid talu ffi o £20 i ryddhau eich beic

Bydd unrhyw feiciau nad ydynt wedi'u hawlio ar ôl 30 niwrnod yn cael eu rhoi i elusen.

Gwybodaeth gyswllt

Am gymorth neu ymholiadau:

• ewch i Swyddfa Maes Parcio'r Cwadrant
• ffoniwch01792 480526

Amodau a thelerau ar gyfer loceri beiciau'r Cwadrant

1. Gwybodaeth gyffredinol
   1. Mae'r loceri ar gael ar Garden Street (SA1 8PJ) ger maes parcio aml-lawr y Cwadrant a mynedfa'r Ganolfan Siopa.
   2. Mae'r loceri ar gael 24/7, ar sail y cyntaf i'r felin.
2. Gweithdrefn defnyddio 
   1. Rhaid i ddefnyddwyr gofrestru gyda Swyddfa Maes Parcio'r Cwadrant drwy ddarparu enw, manylion cyswllt ac ID ffotograffig.
   2. Bydd staff yn helpu i gloi eich beic yn ddiogel yn yr hwb.
   3. I gasglu'ch beic:
   • rhaid i chi allgofnodi yn swyddfa'r maes parcio
   • talwch wrth beiriannau talu'r Cwadrant
   • bydd staff yn datgloi ac yn casglu'ch beic
3. Ffïoedd a thalu
   1. Ffïoedd:
      • £1 am hyd at 6 awr
      • £2 drwy'r dydd
   2. Dulliau talu:
   • darnau arian, cerdyn, Google Pay neu Apple Pay wrth beiriannau talu'r Cwadrant
4. Beiciau nas casglwyd
   1. Os bydd unrhyw feiciau'n cael eu gadael mewn locer am fwy na 48 awr byddwch yn derbyn e-bost atgoffa.
   2. Os nad ydych yn casglu'ch beic o fewn 24 awr i'r e-bost atgoffa, caiff y beic ei symud a'i storio.
   3. Cedwir unrhyw feiciau sy'n cael eu symud am hyd at 30 niwrnod ac efallai bydd rhaid i chi dalu ffi o £20 i'w rhyddhau.
   4. Bydd unrhyw feiciau nad ydynt wedi'u hawlio ar ôl 30 niwrnod yn cael eu rhoi i elusen.
5. Cyfrifoldebau'r defnyddwyr
   1. Rhaid i'r defnyddwyr sicrhau bod y beiciau wedi'u cloi'n ddiogel. Mae staff ar gael i helpu.
   2. Rhaid cwblhau'r holl weithdrefnau cofrestru, talu ac allgofnodi yn ôl yr angen.
6. Atebolrwydd
   1. Nid yw'r Cwadrant yn gyfrifol am unrhyw golled neu ddifrod a achosir i feiciau sy'n cael eu storio yn y loceri.
   2. Mae defnyddwyr sy'n storio beiciau yn gwneud hynny ar eu menter eu hun.
7. Diwygiadau
   1. Mae'r Cwadrant yn cadw'r hawl i ddiwygio'r amodau a thelerau hyn ar unrhyw adeg.

Drwy ddefnyddio Loceri Beiciau'r Cwadrant rydych yn cytuno i gydymffurfio â'r amodau a thelerau hyn.