Gwasanaethau llyfrgell i blant a phobl ifanc

Gall plant ymuno ag unrhyw lyfrgell neu ymuno ar-lein.

Mae gan bob llyfrgell:

• ardal arbennig ar gyfer plant, gyda phopeth o lyfrau lluniau i nofelau i bobl ifanc a nofelau graffig
• e-Lyfrau, e-Lyfrau Llafar, e-Gylchgronau ac e-Bapurau Newydd am ddim (sylwer nid yw'r cynnwys yn destun cyfyngiadau oedran)
• amrywiaeth eang o lyfrau gwybodaeth i helpu gyda'ch gwaith cartref neu brosiectau neu ddiddordebau
• cyfrifiaduron, mynediad at y rhyngrwyd gan gynnwys Wi-Fi am ddim - yn amodol ar gydsyniad rhieni, yn unol â'r amodau a thelerau defnydd
• adnoddau ar-lein, deunydd cyfeirio a dolenni i wybodaeth ddefnyddiol arall y gellir eu cyrchu gartref neu yn y llyfrgell
• gwasanaethau argraffu, copïo a sganio (ac argraffu am ddim yn ystod y clwb gwaith cartref)
• digwyddiadau a gweithgareddau rheolaidd yn ogystal â digwyddiadau arbennig yn ystod y gwyliau a sialens ddarllen yr haf flynyddol
• DVDs i'w benthyca (mewn llyfrgelloedd dethol)

Argymhellir y dylai pob plentyn dan 8 oed fod yng nghwmni rhiant neu ofalwr cyfrifol ar bob adeg wrth ymweld â'r llyfrgell.

Chwilio drwy gatalog y llyfrgell i blant ar-lein (Yn agor ffenestr newydd)

Dechrau Da

Mae Dechrau Da yn ceisio darparu pecyn o lyfrau am ddim i holl fabanod a phlant bach y DU, i ysbrydoli, sbarduno a chreu cariad at ddarllen a fydd yn rhoi dechrau da mewn bywyd i bob plentyn. Ond yn bennaf oll, rydym eisiau dangos bod llyfrau yn hwyl!

Rhoddir pecyn i bob baban rhwng chwech a naw mis oed a phecyn y Blynyddoedd Cynnar i bob plentyn bach tua dwy flwydd oed. Rhoddir y pecynnau gan Ymwelwyr Iechyd.

Os nad ydych wedi cael pecyn ar gyfer eich plentyn, cysylltwch â'ch Ymwelwyr Iechyd neu eich llyfrgell leol.