Trwyddedau anifeiliaid

Os ydych am agor sefydliad lletya anifeiliaid, gan gynnwys gwasanaeth gofal dydd ar gyfer cathod neu gŵn, bydd angen trwydded arnoch. Bydd angen trwydded arnoch i gynnal busnes lletya anifeiliaid neu warchod cŵn o'ch cartref eich hun hefyd.

Manylion y ffïoedd ar gyfer trwyddedau cŵn.

Os ydych chi'n cadw anifail yr ystyrir ei fod yn beryglus, yn wyllt neu'n egostig, bydd angen trwydded arnoch. Mae hyn hefyd yn cynnwys anifeiliaid hybrid neu groesiad gan ddibynnu ar ba mor bell yw'r anifail o'i ddisgynnydd gwyllt.

Os ydych yn bridio cŵn ac yna'n gwerthu'r rhai bychain maent yn rhoi geni iddynt, ystyrir eich bod yn cynnal busnes bridio cŵn. Os ydych eisoes yn bridio neu fwriadu gwneud hynny yn y dyfodol, bydd rhaid i chi gael trwydded gennym.

Os ydych yn arddangos, yn defnyddio neu'n hyfforddi anifeiliaid perfformio, bydd rhaid i chi gofrestru gyda ni. Mae hyn yn cynnwys defnyddio anifeiliaid mewn perfformiadau llwyfan, mewn syrcas ac fel rhan o arddangosfa.

I gynnal busnes sy'n gwerthu anifeiliaid anwes, mae angen i chi gael trwydded gennym ni. Mae hyn yn cynnwys gwerthu anifeiliaid mewn siop anifeiliaid anwes a thros y rhyngrwyd.

Mae'n rhaid bod stablau sy'n hurio ceffylau neu ferlod i bobl eu marchogaeth neu at ddibenion hyfforddi gael trwydded gennym. Bydd eich mangre hefyd yn cael ei harchwilio'n flynyddol gan swyddog a milfeddyg.

Os ydych yn cadw anifeiliaid gwyllt i'w harddangos yn gyhoeddus, bydd angen trwydded sŵ arnoch. Cyn gwneud cais am y drwydded, mae'n rhaid i chi roi hysbysiad eich bod yn bwriadu gwneud cais.

Os ydych yn bryderus ynghylch arferion busnes anifeiliaid trwyddedig neu gyflwr y man lle cedwir yr anifeiliaid.