Sioe Awyr Cymru 2025
5 - 6 Gorffennaf 2025
Nid yw'r holl gyffro'n digwydd yn yr awyr yn unig - bydd Prom Abertawe'n llawn arddangosiadau ar y ddaear, tryciau bwyd a diod blasus, profiadau rhithwirionedd, cerddorion a bandiau'n chwarae cerddoriaeth fyw, arddangosiadau, gweithgareddau i deuluoedd, reidiau a mwy! Does dim syndod bod dros 200,000 o bobl yn dod i'r digwyddiad bob blwyddyn.
Rhagor o wybodaeth (Yn agor ffenestr newydd)
Amserlen Sioe Awyr Cymru
Ydych chi'n barod am Sioe Awyr Cymru? Bydd Sioe Awyr Cymru'n dychwelyd ddydd Sadwrn 6 a dydd Sul 7 Gorffennaf eleni am ddeuddydd o adloniant yn yr awyr. Cymerwch gip ar yr amserau hedfan isod.
Eleni, bydd amserau hedfan yn cael eu hychwanegu wrth iddynt gael eu cadarnhau, gyda'r amserlen lawn yn cael ei chadarnhau erbyn dydd Iau 4 Gorffennaf (gall yr amserau newid).
Cadwch lygad ar y newyddion diweddaraf am Sioe Awyr eleni! Cofiwch, bydd digon o adloniant ar y ddaear hefyd, mae gennym fwy o arddangosfeydd ar y ddaear nag erioed o'r blaen, a byddwn yn dathlu Diwrnod y Lluoedd Arfog ar ddydd Sadwrn Sioe Awyr Cymru hefyd.
FRF DS Swansea - Noddwr yr Amserlen Sioe Awyr Cymru 2024
Dydd Sul
- Red Devils Parachute Team - 1:30pm
- Tutor - 1.48pm
- Gazelles - 1:58pm
- Vampire - 2:16pm
- Starlings Aerobatic Display Team - 2:27pm
- Spitfire - 2:44pm
- Swordfish and Wasp - 2:55pm
- Wasp - 3:00pm
- Swordfish - 3.08pm
- Black Cats - 3:16pm
- Firebirds - 3.29pm
- Sea King - 3:46pm
- Yak50 - 4:04pm
- Hurricane - 4:15pm
- Team Raven - 4:28pm
- Typhoon - 4:45pm
Oes gennych ddiddordeb mewn noddi'r digwyddiad hwn?
Mae cyfleoedd nawdd ar gael ar gyfer y digwyddiad hwn. Mae pecynnau ar gael sy'n addas i bob cyllideb y gellir eu teilwra i ddiwallu'ch anghenion a'ch amcanion. I gael rhagor o wybodaeth am weithio gyda ni, e-bostiwch Commercial@swansea.gov.uk
Noddwyr a phartneriaid Sioe Awyr Cymru 2024
Cefnogir y Red Arrows gan Greatest Hits Radio (Yn agor ffenestr newydd)
Mae Greatest Hits Radio yn chwarae caneuon mwyaf poblogaidd y degawdau gorau - y 70au, yr 80au a'r 90au - y caneuon hynny y mae pawb yn dwlu arnynt hyd heddiw. Gallwch ddisgwyl clywed clasuron Elton, Madonna, Queen, Kate Bush, David Bowie, Blondie, Oasis, George Michael, Fleetwood Mac, i enwi rhai yn unig. Mae'r holl ganeuon poblogaidd hyn yn cael eu chwarae gan ein cyflwynwyr gwych, sy'n cynnwys Ken Bruce gyda'i gwis PopMaster, Simon Mayo, Kate Thornton, Martin Kemp, Jackie Brambles, Jenny Powell a llawer mwy. Gallwch fwynhau cerddoriaeth y degawdau da ar draws de Cymru drwy wrando ar radio digidol neu ap, neu gofynnwch i'ch seinydd clyfar chwarae 'Greatest Hits Radio'.
Travel House (Yn agor ffenestr newydd) - noddwr y Bwrdd Hedfan a'r Babell VIP
Ers dros 30 o flynyddoedd mae Travel House wedi bod yn enw dibynnol yn y diwydiant teithio, sy'n adnabyddus am ein gwasanaeth a'n harbenigedd eithriadol. O ddechreuadau digon di-nod ym 1922 gyda'n cangen gyntaf yn Sgwâr Brynhyfryd, rydym wedi tyfu i 16 o ganghennau ar draws de Cymru yn 2024. Fel asiantaeth deithio annibynnol, rydym yn ymfalchïo yn ein gallu i gymharu prisiau gan gyflenwyr gwahanol, gan sicrhau eich bod chi'n cael y pris gorau bob tro.
Mae ein holl wyliau pecyn wedi'u diogelu gan ABTA ac ATOL, gan gynnig tawelwch meddwl i chi.
Croeso i Gartref Gwyliau, lle gallwn wireddu eich breuddwydion teithio.
O arian teithio i yswiriant gwyliau, parcio yn y maes awyr a mwy, mae gennym bopeth y mae ei angen arnoch i wneud eich profiad o drefnu gwyliau'n brofiad hawdd a di-straen. Hefyd, gyda'n hopsiynau talu hyblyg lle gallwch dalu am gost eich gwyliau drwy daliadau misol di-log, rydym yn ei wneud yn hawdd i chi wireddu eich breuddwydion teithio.
FRF Toyota (Yn agor ffenestr newydd) - noddwr y bandiau arddwrn ar gyfer plant sydd ar goll
Croeso i Grŵp FRF, ar gyfer eich holl anghenion o ran Toyota, Volvo a Lexus yn Ne Cymru. Busnes teuluol ydyn ni, ac mae 3 cenhedlaeth o'r teulu'n gweithio yn y busnes heddiw. Mae ein teulu o ganghennau hefyd yn tyfu, ac mae gennym bellach 8 cangen ar draws De Cymru ym Mhen-y-Bont, Abertawe, Hwlffordd, Caerfyrddin, ac yng Nghaerdydd a Chasnewydd hefyd, wrth i ni gaffael Toyota Caerdydd, Lexus Caerdydd a Toyota Casnewydd... Rydym yn tyfu! Mae safle Volvo hefyd yn Abertawe! Mae gennym bellach dros 1,000 o gerbydau newydd ac ail-law yn stoc ein grŵp ac rydym yn falch iawn o ddweud mai ni yw cyflenwyr mwyaf cerbydau Toyota a Lexus Cymru. Dewch i weld ein hystafelloedd arddangos cyfoes o'r radd flaenaf, sy'n darparu ar gyfer eich holl anghenion o ran cerbydau, o gyflenwi ceir newydd ac ail-law i gwsmeriaid a busnesau, i rannau gwasanaethu ac ategolion ar gyfer eich Toyota gwerthfawr. Gallwn hefyd gynnig gwasanaeth dosbarthu ledled y wlad. Cysylltwch â ni a gofynnwch am fideo personoledig o'r car os ydych chi'n dymuno!
DS Automobiles at FRF Motors Swansea (Yn agor ffenestr newydd) - Noddwr yr Amserlen Sioe Awyr Cymru 2024
Mae FRF DS Automobiles Abertawe'n dathlu blwyddyn ers iddo agor y mis hwn. Mae FRF DS Abertawe yn rhan o fusnes teuluol sefydledig â 45 mlynedd o brofiad yn y diwydiant modurol, sy'n arbenigo mewn gwerthu ceir newydd sbon ac ail law ac archebion cerbydau Motability.
Great Western Railway (Yn agor ffenestr newydd) - partner teithio Sioe Awyr Cymru 2024
Rheilffordd y Great Western - Archebwch le ymlaen llaw i gael y prisiau gorau ac arbedwch dros 50% oddi ar bris tocyn trên i Abertawe yn GWR.com - mae'r antur yn dechrau yma.
First Cymru (Yn agor ffenestr newydd) - partner teithio Sioe Awyr Cymru 2024
Gwasanaethau bws lleol
First Cymru (Yn agor ffenestr newydd) yw'r gweithredwr bysus mwyaf yn yr ardal gyda llwybrau bysus yn ymestyn ar draws de a gorllewin Cymru. I gynllunio eich taith ar fws, defnyddiwch y nodwedd cynllunio teithio ar ap First Cymru, lle gallwch hefyd brynu tocynnau a dilyn taith eich bws yn fyw.
Bydd trefniadau cau ffyrdd ar draws Abertawe yn effeithio ar rai llwybrau. I gael rhagor o wybodaeth, cymerwch gip ar wefan First Cymru.
I gael rhagor o wybodaeth, cysylltwch â First Cymru neu Traveline yn uniongyrchol.
First Cymru:0345 646 0707 (9am - 5pm)
Traveline: 0800 4640000 (7am - 8pm)
Trafnidiaeth Cymru (Yn agor ffenestr newydd) - partner teithio Sioe Awyr Cymru 2024
Mae Trafnidiaeth Cymru (Yn agor ffenestr newydd) yn cyflwyno gweledigaeth Llywodraeth Cymru o rwydwaith trafnidiaeth diogel, integredig a fforddiadwy o ansawdd da y mae pobl Cymru'n falch ohono. Rydym yn gweithredu trenau ar draws Cymru a'i ffiniau ac rydym yn cefnogi Llywodraeth Cymru wrth iddi leihau teithiau mewn car 10% erbyn 2030; rydym am i bobl gerdded, olwyno, beicio a defnyddio trafnidiaeth gyhoeddus yn hytrach na gyrru. O Abertawe, gallwch ddefnyddio gwasanaethau rheilffordd uniongyrchol i gyrchfannau fel Hwlffordd, Caerdydd, Amwythig a Manceinion, yn ogystal â gwasanaethau bws a rheilffordd integredig i Aberystwyth, a llawer mwy.
Arbedwch hyd at 50% oddi ar bris tocynnau trên Advance pan fyddwch yn archebu cyn teithio yn trc.cymru
Royal British Legion (Yn agor ffenestr newydd) - cefnogwr y Pentref Cyn-filwyr
Y Lleng Brydeinig Frenhinol yw elusen fwyaf y DU sy'n ymroddedig i gefnogi anghenion cymuned y Lluoedd Arfog y gorffennol a'r presennol, a'u teuluoedd.Mae'r Lleng Brydeinig Frenhinol yn darparu llinell fywyd i holl bersonél y lluoedd arfog, cyn-filwyr a'u teuluoedd sy'n wynebu caledi, anafiadau a phrofedigaeth. Rydym yn darparu cefnogaeth ar gyfer cymuned y Lluoedd Arfog ar draws ystod eang o faterion, gan gynnwys symudedd, digartrefedd, camddefnyddio sylweddau, heriau mewn bywyd gan gynnwys teuluoedd yn chwalu ac iechyd meddwl. O ddarparu cyngor arbenigol ac arweiniad, i helpu gydag adferiad a throsglwyddo i fywyd pob dydd, byddem yn annog unrhyw gyn-filwr neu aelod o'i deulu y mae angen cymorth arno i gysylltu â'r Lleng Brydeinig Frenhinol cyn gynted â phosib.
Aerodyne (Yn agor ffenestr newydd) - cefnogwr Sioe Awyr Cymru
Mae Aerodyne wedi bod yn datblygu ac ymchwilio i awyrennau rotocrafft ers dros 20 mlynedd ac wedi gweithgynhyrchu dros 1,500 ohonynt yn fyd-eang. Ar ôl gweithio i fireinio'u proses gynhyrchu, mae Aerodyne bellach wedi dylunio a datblygu'r gyfres fwyaf cost-effeithiol, ddiogel ac addasedig o geiroplanau erioed. Fel cwmni Eingl-Gymreig-Indiaidd gydag awyrennau yn y sectorau milwrol, meddygol a chludiant, mae Aerodyne o'r farn y dylai hedfan yn y dyfodol fod yn fwy diogel, yn wyrddach ac yn fwy effeithlon. Mae Aerodyne yn ymroddedig i dwf esbonyddol am flynyddoedd i ddod. Cenhadaeth Aerodyne yw bod y dylunydd, y datblygwr a'r gweithgynhyrchwr cerbydau awyr pennaf, gan gyflwyno cyfres o gynnyrch cost isel ac o safon er mwyn cyflawni nodau cludiant.
Lidl (Yn agor ffenestr newydd) - cefnogwr Sioe Awyr Cymru
Yma yn Lidl, rydym yn griw eithaf agos. Yn sicr, mae pob un ohonom yn cyfrannu rhywbeth unigryw - ond pan rydych yn edrych yn ddwfn i bethau, mae gennym lawer o bethau'n gyffredin hefyd. Rydym yn cydweithio, yn benderfynol ac rydym i gyd yn cyfrannu er mwyn helpu'n gilydd.
Agorwyd y drysau i'r siop Lidl GB gyntaf ym 1994. Heddiw, tri degawd yn ddiweddarach, rydym yn falch o gael dros 960 o siopau ac 14 o ganolfannau dosbarthu rhanbarthol, gyda thros 33,000 o gydweithwyr eithriadol ar draws Prydain Fawr - ac rydym yn parhau i dyfu.
Does dim ots beth yw eich rôl nac ym mhle - byddwch yn ymuno â thîm cefnogol ac uchelgeisiol. Ynghyd â mynediad at yr holl hyfforddiant sydd ei angen arnoch i ffynnu ac i wneud eich gwaith gorau, byddwn yn eich annog i ddatblygu, i ddod o hyd i lwyddiant ac i ragori ar nodau eich gyrfa gyda ni. Dewch i ymuno â ni.
Dewch o hyd i swydd sy'n addas i chi yn careers.lidl.co.uk
Diolch arbennig i Radnor Hills - yn cefnogi hydradu holl wirfoddolwyr Sioe Awyr Cymru.
Mae Radnor Hills, a sefydlwyd ym 1990, yn gynhyrchydd diodydd meddal arobryn sydd wedi'i leoli yng nghefn gwlad hardd Heartsease yn Nhrefyclo, Powys.
Mae portffolio diodydd amrywiol Radnor i gyd yn cael ei wneud gan ddefnyddio dŵr ffynnon o Gymru sy'n eithriadol o bur, o dir fferm y teulu sydd ychydig funudau o'r llinell gynhyrchu er mwyn sicrhau'r cynnyrch mwyaf ffres.
Mae ein brandiau'n cynnwys dŵr ffynnon Radnor Hills, Heartsease Farm, Radnor Splash a'n hamrywiaeth o ddiodydd sy'n arwain y farchnad i blant oedran ysgol, Radnor Fizz.
Mae cynaliadwyedd amgylcheddol wrth galon ein cwmni ac mae ein holl gynnyrch yn gwbl ailgylchadwy - gellir ailgylchu 100% o'n poteli plastig a'n haenen lynu ac maent hefyd yn cynnwys 30% o ddeunydd wedi'i ailgylchu, nid yw ein cartonau'n cynnwys gwelltyn a gallwch ailgylchu ein caniau am byth.
Y llynedd, ni oedd enillydd cyntaf y Wobr Rhagoriaeth mewn Cynaliadwyedd newydd a noddir gan Lywodraeth Cymru, ac ym mis Mai, enillon ni wobr Busnes Cynaliadwy'r Flwyddyn yng Ngwobrau Bwyd a Diod Cymru.
Days Rental (Yn agor ffenestr newydd) - Partner Cerbydau
Croeso i wasanaeth hurio Day's Motorhomes.
P'un a ydych yn deulu, yn bâr, yn grŵp neu'n chwilio am antur, mae Day's Motorhomes yn cynnig cyfle i chi hurio carafanau modur o safon ar gyfer teithiau cofiadwy lle rydych yn gyrru eich hun.
Mae ein faniau gwersylla'n berffaith ar gyfer mwynhau harddwch Cymru a'r DU. Rydym hyd yn oed yn darparu cartrefi oddi cartref sy'n addas i gŵn, ar gyfer perchnogion anifeiliaid anwes na allent ymdopi heb eu cyfeillion blewog.
Mae'r cerbydlu newydd o gerbydau sydd ar gael i'w rhentu a'u prynu'n cael eu cynnal a'u cadw'n arbennig o dda ac maent yn cynnig lleoliad cyfforddus i bobl sydd ar wyliau neu deithwyr fel ei gilydd.
Cau ffyrdd ar gyfer digwyddiadau arbennig
Dewis iaith
Rhannu'r dudalen hon
Argraffu
