Amcangyfrifon Aelwydydd

Mae ystadegau aelwydydd yn bwysig i'r sector cyhoeddus a defnyddwyr eraill y mae angen iddynt ystyried tueddiadau diweddar yn y galw am dai, er mwyn cynllunio ar gyfer y dyfodol, darparu tai a chyflwyno gwasanaethau.  Mae amcangyfrifon blynyddol diweddaraf Llywodraeth Cymru o gyfansoddiad aelwydydd (nifer yr oedolion a'r plant) ar gyfer canol 2023. Fe'u lluniwyd drwy gymhwyso tybiaethau am faint, ffurf a chyfansoddiad aelwydydd i amcangyfrifon poblogaeth.

Mae'r amcangyfrifon diweddaraf yn awgrymu bod cyfanswm o 109,000 o aelwydydd yn Abertawe ym mis Mehefin 2023, ymysg cyfanswm o 1.377 miliwn o aelwydydd yng Nghymru.

Rhwng 2018 a 2023, cynyddodd nifer amcangyfrifedig yr aelwydydd yn Abertawe tua 4,000 (+3.8%).  Ar yr un pryd, mae poblogaeth aelwydydd preifat yn Abertawe wedi cynyddu dros y pum mlynedd hynny (+3.2%), gan arwain at ostyngiad bach ym maint cyfartalog aelwydydd (i 2.22 yn 2023).

Mae nodyn briffio ar gael sy'n amlinellu amcangyfrifon 2023 ar gyfer Abertawe a newidiadau diweddar, gan gynnwys yn ôl math o aelwyd:

Amcangyfrifon Aelwydydd Abertawe 2023 (PDF, 987 KB)

Ystadegau lleol

Mae ystadegau ardaloedd bach ar nifer yr aelwydydd â phreswylwyr mewn Wardiau Etholiadol ac Ardaloedd Cynnyrch Ehangach (ACE) ar gael o Gyfrifiad 2021.  Mae tablau crynodeb ar gyfer ardaloedd yn Abertawe wedi'u cynnwys ar y dudalen hon ar lefel Ardal Gynnyrch Ehangach Haen Is, Ardal Gynnyrch Ehangach Haen Ganol a lefel Ward.  Mae'r ystadegau ar gyfer pob maes fel a ganlyn: cyfanswm aelwydydd (â phreswylwyr); preswylwyr arferol sy'n byw mewn cartrefi a sefydliadau cymunedol; maint cyfartalog aelwyd.

Aelwydydd Abertawe ACEHI Cyfrifiad 2021 (PDF, 350 KB)

Aelwydydd Abertawe ACEHG Cyfrifiad 2021 (PDF, 719 KB)

Aelwydydd Abertawe Wardiau Cyfrifiad 2021 (PDF, 330 KB)

Mae Ardaloedd Cynnyrch Ehangach Haen Is (ACEHI) yn unedau adrodd ystadegol a ddatblygwyd gan y SYG sy'n cynnwys rhwng 400 a 1,200 o aelwydydd.  Mae Ardaloedd Cynnyrch Ehangach Haen Ganol (ACEHG) yn cael eu hadeiladu o grwpiau ACEHI cyfagos ac mae ganddynt rhwng 2,000 a 6,000 o aelwydydd.  Mae rhagor o wybodaeth am Ardaloedd Cynnyrch Ehangach yn Abertawe ar gael yma.  Mae gwybodaeth am wardiau Abertawe, sydd bellach yn adlewyrchu newidiadau i ffiniau 2022 yn yr ystadegau hyn, hefyd ar gael yma.

Ystadegau cysylltiedig

• Cyfrifiad 2021: Mae rhagor o ystadegau a dadansoddiadau lleol ynghylch aelwydydd ar gael ar dudalennau'r Cyfrifiad.  Mae ystadegau cryno o Gyfrifiadau blaenorol ar amrywiaeth o nodweddion poblogaeth ac aelwydydd ar gael yma.
• Rhagamcanion Aelwydydd: Cyhoeddwyd Rhagamcanion aelwydydd ar sail canlyniadau 2018 gan Lywodraeth Cymru ym mis 2020.  Fodd bynnag, mae'r amcanestyniadau hyn yn seiliedig ar amcangyfrifon a thueddiadau aelwydydd cyn Cyfrifiad 2021. Rhagwelir y bydd rhagamcanion newydd sy'n cynnwys data'r Cyfrifiad a'r amcangyfrifon poblogaeth diweddaraf yn ystod 2025.

Os oes gennych ymholiadau ynglyn â'r wybodaeth hon, neu os oes angen mwy o ystadegau demograffig arnoch ar gyfer Abertawe, cysylltwch â ni.