Blociau Tŵr Abertawe

Ein Heiddo

• Rydym yn berchen ar 11 o flociau tŵr preswyl, gyda chyfanswm o 671 o fflatiau.
• Dyma'r lleoliadau: Croft Street Croft, Dyfaty (dau floc); Jeffreys Court, Pen-lan (un bloc); Matthew Street, Dyfaty (dau floc); Griffith John Street, Dyfaty (dau floc); Clyne Court, Sgeti (tri bloc); Rheidol Court, y Clâs (un bloc).
• Cafodd pob un ei adeiladu ym 1963-64.
• Mae gan ddau floc dros 11 o loriau; nid oes cladin ar y naill na'r llall.Mae gan naw bloc llai nag 11 o loriau; nid oes cladin ar ddau ohonynt.
• Nid ydym wedi defnyddio unrhyw gynnyrch ACM â'r craidd polyethylen mwy fflamadwy, ac mae'r holl systemau cladin wedi'u cydnabod yn rhai mwy diogel gan arbenigwyr diogelwch tân.
• Mae prosiectau presennol a'r rhai a gwblhawyd yn ein blociau wedi defnyddio cladin a fframiau gosod nad ydynt yn llosgadwy. Maent yn destun archwiliad manwl a chymeradwyaeth.
• Fflatiau uchel sy'n eiddo i Gyngor Abertawe

Nodweddion diogelwch tân

• Mae gan bob fflat synwyryddion mwg gwifredig sy'n cael eu profi'n flynyddol fel rhan o'n harchwiliad gwasanaeth nwy.
• Mae gan bob fflat ac ardal gymunedol ddrws tân gwrthsafol gradd FD60 un awr.
• Mae pibelli codi sych - pibelli integredig sy'n gallu bwydo symiau mawr o ddŵr i bob llawr os bydd tân - wedi'u gosod ym mhob tŵr. Mae hyn yn golygu bod gan ymladdwyr tân fynediad i'r dŵr y mae ei angen arnynt i gyrraedd pob eiddo os bydd digwyddiad.
• Mae bylchau tân wedi'u gosod yno; mae'r rhain yn lleihau'r perygl o dân yn lledaenu.

Cyngor diogelwch tân a roddir i'n tenantiaid

• Os oes tân yn eich fflat:
  • rhybuddiwch bawb yn eich fflat i'w gadael
  • caewch y drws ar eich ôl
  • ewch i lawr y grisiau - peidiwch byth â defnyddio'r lifftiau
  • pan fyddwch y tu allan, ffoniwch 999 a gofynnwch am y gwasanaeth tân
• Os oes tân yn rhywle arall yn eich bloc:
  • rydych yn ddiogel i aros yn eich fflat a derbyn cyngor ac arweiniad gan y gwasanaeth tân
  • fodd bynnag, os ydych yn teimlo dan fygythiad - neu os yw'ch larwm tân yn seinio - gadewch y bloc
  • mae'r polisi "aros yn yr unfan" yn cael ei weithredu gan bob un o'n blociau uchel. Rydym wedi cadarnhau gyda'r gwasanaeth tân fod hyn yn briodol oherwydd y safonau diogelwch tân uchel yn ein fflatiau
• Cyngor ar ddiogelwch tân i denantiaid y cyngor

Prosesau diogelwch tân

• Mae pob bloc yn cydymffurfio â gofynion Gorchymyn Diwygio Rheoleiddio (Diogelwch Tân) 2005 (Yn agor ffenestr newydd). Rydym yn cynnal asesiad risg tân ym mhob bloc fel sy'n ofynnol dan y gorchymyn hwn a chan gyfeirio at ddogfennau arweiniol fel dogfen Llywodraeth y DU, Fire Safety Risk Assessment: sleeping accommodation (Yn agor ffenestr newydd) a dogfen Fire Safety in purpose-built blocks of flats (Yn agor ffenestr newydd) y Gymdeithas Llywodraeth Leol.
• Rydyn ni a'r gwasanaeth tân yn cynnal asesiad risg blynyddol llawn yn yr holl ardaloedd cymunedol i sicrhau bod yr holl flociau i'r safon uchaf. Eir i'r afael ar unwaith ag unrhyw broblemau a nodir.
• Mae swyddogion cymdogaethau yn archwilio blociau'n rheolaidd i sicrhau bod unrhyw ddeunyddiau hylosg a pheryglon yn cael eu symud o ardaloedd cymunedol.
• Mae arbenigwyr y gwasanaeth tân yn ymweld â phob bloc fel rhan o'u harchwiliad diogelwch blynyddol. Maent yn cynnig archwiliadau diogelwch tân am ddim i breswylwyr fflatiau ar unrhyw adeg.
• Caiff grisiau blociau uchel eu harchwilio bob wythnos am unrhyw rwystrau a chaiff y rhain eu symud yn unol â hyn.
• Gwirir presenoldeb drysau tân mewn blociau uchel yn wythnosol.

Ein gwaith presennol

• Byddwn yn parhau i weithio'n agos gyda'r gwasanaeth tân i adolygu diogelwch a byddwn yn ystyried y gwersi a ddysgwyd o drychineb Tŵr Grenfell.
• Byddwn yn gwneud ein gorau glas i gadw tenantiaid yn ddiogel a rhoi gwybodaeth iddynt - mae ymrwymiad i osod systemau taenellu dŵr ym mhob bloc yn gadarnhad o hyn.
• Rydym yn ceisio rhoi cymaint o wybodaeth â phosib i'r cyhoedd mewn ffordd ragweithiol i'w galluogi i ddeall y sefyllfa o ran systemau cladin a diogelwch yn Abertawe.
• Mae systemau taenellu wedi'u gosod yn Jeffreys Court, 2 floc yn Matthew Street, 3 bloc yn Clyne Court a Rheidiol Court, ac maent yn cwmpasu'r fflatiau a'r ardaloedd cymunedol. Mae systemau taenellu hefyd yn cwmpasu'r rhan fwyaf o'r fflatiau yn Griffith John Street. Bydd systemau taenellu'n cael eu gosod yn y ddau bloc sy'n weddill cyn bo hir.

Ysgolion

• Cynhelir archwiliadau diogelwch tân gan yr ysgol unigol a bydd ysgolion unigol yn cadw cofnodion o'r archwiliadau hyn. Gan fod ysgolion eu hunain yn rheolwyr data, rhaid anfon unrhyw gais am wybodaeth i'r ysgol.
• Manylion cyswllt ysgolion