Nodiadau y marfer ar gyfer ffyrdd o ddianc os bydd tân HMO

Pwysig

Rydym wedi bod yn ymdrechu'n barhaus i wella safonau diogelwch tân mewn tai amlfeddiannaeth. Felly, gallai'r safonau drysau tân sy'n ofynnol yn y ddogfen hon fod yn wahanol i'r safonau mewn ardaloedd awdurdodau lleol eraill.

Mae'n hanfodol bod y ddogfen hon yn cael ei dilyn yn llawn gan fod drysau a osodir heb ystyried y ddogfen yn debygol o fethu arolygiad, gan arwain at gostau diangen a gwastraffu amser. Achubwch ar y cyfle i gael cyngor am ddim gan y swyddogion arolygu dros y ffôn, ac/neu i gael ymweliad er mwyn gwirio'r drws cyntaf yn ei le cyn gosod rhagor o ddrysau. Bydd hyn yn cyfyngu ar y risg y gwneir gwaith diangen neu'r risg y bydd y drysau'n methu arolygiad.

Arweiniad i berchnogion a chontractwyr tai rhentu preifat

Mae'n rhaid darllen y nodiadau hyn ar y cyd ag atodlen eich hysbysiad/trwydded.
Peidiwch â chyflogi saer heb sicrhau yn y lle cyntaf fod ganddo gopi o'r ddogfen hon. Bydd angen iddo ddilyn ei gofynion yn llawn.
Ar ôl i un drws tân a ffrâm gael eu gosod, cysylltwch â'r Tîm Tai Amlfeddiannaeth i gadarnhau bod y drws yn bodloni'r safonau gofynnol.
PEIDIWCH â gosod drysau eraill nes i'r arolygiad hwn gael ei gynnal.
Dim ond ar ôl cwblhau'r holl waith plastro a rhoi cyfle i'r tŷ sychu y dylid gosod y drysau a'r fframiau hyn.

Pan fydd eich contractwr ar y safle, neu pan fydd ar fin dechrau ar y gwaith, dylai gysylltu â'r swyddog arolygu neu'r Tîm Amlfeddiannaeth fel a ganlyn -