Casglu sachau pinc

Mae gan y rhan fwyaf o cartrefi yn Abertawe fagiau pinc ailddefnyddiadwy ar gyfer eu casgliadau ailgylchu plastig erbyn hyn. Mae rhai ardaloedd ac aelwydydd sydd dal yn gorfod defnyddio'r bag plastig pinc defnydd untro oherwydd y math o gerbyd a ddefnyddir i'w gwasanaethu.

Cesglir y plastigion o'r bagiau hyn gan gerbydau gwahanol a chânt eu prosesu ar wahân felly mae'n bwysig defnyddio'r bagiau a roddwyd i chi a chyfarwyddyd iddynt yn unig neu efallai na chaiff eich plastig ei gasglu. 

Er mwyn sicrhau y cesglir eich sachau ar gyfer ailgylchu:

• defnyddiwch y sachau pinc rydym wedi eu darparu
• rhowch eich sachau allan i'w casglu rhwng 7.00pm y noson cyn eich diwrnod casglu a 6.00am ar fore'ch diwrnod casglu
• golchwch a gwasgwch yr holl eitemau plastig
• defnyddiwch ein teclyn chwilio am gasgliadau ailgylchu a sbwriel i gael gwybod ar ba ddiwrnod rydym yn casglu'ch sachau
• cymerwch ofal wrth roi eich bag allan mewn tywydd garw

Beth i'w roi yn y sachau

Diolch yn fawr

Gallwch roi'r holl eitemau canlynol gyda'i gilydd yn eich bag pinc ailddefnyddiadwy:

• poteli plastig gan gynnwys poteli dŵr, poteli llaeth, poteli pop, poteli siampŵ, etc
• hambyrddau bwyd plastig glân
• caeadau a chapiau poteli plastig rhydd
• tybiau marjarîn/hufen iâ plastig
• potiau iogwrt plastig 
• tiwbiau past dannedd gwag (gadewch unrhyw gaeadau)

Dim diolch

Peidiwch â rhoi'r eitemau canlynol yn eich bag pinc ailddefnyddiadwy:

• bagiau plastig a bagiau cario
• papur swigod
• haenen lynu
• pecynnau creision a phapurau siocledi â thu mewn plastig wedi'i feteleiddio (sgleiniog)
• eitemau brwnt
• eitemau trydanol
• caeadau ffilm (fel o brydau bwyd microdon)
• potiau blodau
• eitemau mawr (megis dodrefn gardd)
• teganau plastig
• eitemau plastig caled iawn e.e. basgedi golchi dillad a bowlenni golchi llestri
• polystyren

Er nad oes modd ailgylchu'r eitemau hyn fel rhan o'ch casgliad ar ymyl y ffordd, efallai y gallwch eu hailgylchu yn un o'n canolfannau ailgylchu neu yn rhywle arall: Lleoliadau ailgylchu eraill

Plastig meddal elastig

Ni chaiff eitemau plastig meddal, fel bagiau siopa a haenen lynu, eu derbyn mewn bagiau/sachau pinc gyda photeli, tybiau a hambyrddau plastig. Os rydych am roi'r rhain mewn unrhyw sach yn eich cartref, rhaid eu rhoi yn y sach ddu. 

Fodd bynnag, gellir ailgylchu rhai eitemau plastig meddal gan gynnwys bagiau siopa, pecynnau bara, bagiau rhewgell, pecynnau creision a deunydd lapio os ydych chi'n mynd â nhw i'r banciau penodol mewn archfarchnadoedd mawr.

Lleoliadau ailgylchu eraill