Cyfrifiad 2021: canlyniadau cyntaf

Nododd Cyfrifiad 2021 mai poblogaeth breswyl arferol Abertawe oedd 238,500; tua 500 neu 0.2 y cant yn llai na chyfanswm Cyfrifiad 2011.

Mae nodyn briffio cryno sy'n manylu ar ganlyniadau Cyfrifiad 2021 cyntaf Abertawe ar gael: Cyfrifiad 2021 Canlyniadau Cyntaf (PDF, 1003 KB)

Mae nodyn briffio atodol hefyd ar gael, sy'n cynnwys gwybodaeth o'r canlyniadau cyntaf ar aelwydydd; dwysedd poblogaeth; elfennau'r amcangyfrifon; cyfraddau ymateb; ymatebion ar-lein; a dolenni i adroddiadau cychwynnol y SYG.  Cyfrifiad 2021 canlyniadau cyntaf atodol (PDF, 846 KB)

Mae gwybodaeth gefndir am Gyfrifiad 2021, gan gynnwys dolen i wefan Cyfrifiad SYG, ar gael yma. 

Ni chyhoeddwyd ystadegau ar gyfer ardaloedd bach (islaw lefel awdurdod lleol) ac ar nodweddion poblogaeth penodol pan ryddhawyd Cyfrifiad 2021 gyntaf. 

Cyhoeddiadau diweddarach

Ers hynny mae'r SYG wedi cyhoeddi data Crynodeb Pwnc o Gyfrifiad 2021 ar ystod o nodweddion poblogaeth ac aelwydydd.

Mae ystadegau Cyfrifiad ar gyfer ardaloedd bach gan gynnwys wardiau a daearyddiaethau ystadegol hefyd ar gael ac mae data ar gyfer ardaloedd yn Abertawe wedi'i gynnwys yn y tudalennau canlynol:

• Proffiliau Ardal: yn cynnwys data'r Cyfrifiad am nodweddion poblogaeth (gwlad geni, grŵp ethnig, y gallu i siarad Cymraeg, iechyd cyffredinol, anabledd, cymwysterau); maint a chyfansoddiad yr aelwyd; math o lety; daliadaeth tai; statws gweithgarwch economaidd. Mae proffiliau ar gael ar gyfer wardiau etholiadol ac ardaloedd etholaeth Abertawe.  Proffiliau Ardal
• Aelwydydd (gyda phreswylwyr); preswylwyr arferol sy'n byw mewn cartrefi a sefydliadau cymunedol; maint cyfartalog aelwyd.  Amcangyfrifon aelwyd - ystadegau lleol

• Mae amcangyfrifon poblogaeth fesul oedran a data dwysedd poblogaeth yn seiliedig ar Gyfrifiad 2021 hefyd ar gael.  Fodd bynnag, mae'r tudalennau hyn bellach wedi'u diweddaru i gynnwys yr ystadegau diweddaraf ym mhob achos, sydd ar gyfer canol 2022 ar hyn o bryd.

Rydym yn bwriadu cynnwys ystadegau lleol, gwybodaeth a dadansoddiad data pellach o Gyfrifiad 2021 yn ein tudalennau maes o law.

Os oes gennych ragor o ymholiadau ynghylch y Cyfrifiad ac ystadegau poblogaeth Abertawe, cysylltwch â ni.