Llyfryn Gwybodaeth i Rieni 2025 / 2026

1. Ysgolion Cynradd Saesneg
2. Ysgolion Cynradd Cymraeg
3. Ysgolion cynradd a gynorthwyir yn wirfoddol
4. Ysgolion Uwchradd Cymraeg
5. Ysgolion Uwchradd Saesneg
6. Ysgolion Uwchradd a gynorthwyir yn wirfoddol
7. Ysgolion Arbennig
8. Ysgolion unedau cyfeirio disgyblion

Mae'r tabl canlynol yn darparu amrywiaeth o wybodaeth ddefnyddiol am ysgolion yn Ninas a Sir Abertawe. 

Nifer ar y gofrestr - cyfrif o ddisgyblion amser llawn a rhan-amser yn unol â Chyfrifiad Ysgolion Blynyddol lefel Disgyblion Llywodraeth Cymru (CYBLD) Ionawr 2024.

Ceisiadau a dderbynnir yn ystod y rownd dderbyn - nifer y ceisiadau am y Derbyn a Blwyddyn 7 a gyflwynwyd o fewn y dyddiadau cau cyhoeddedig (dewisiadau 1af, 2il a 3ydd) ar gyfer yr ysgol. 

GWYBODAETH BWYSIG: 

*Ysgol Gynradd Cwm Glas, *Ysgol Gynradd Treforys, *YGG Bryniago, *Ysgol Gyfun Penyrheol

*Sylwer bod yr awdurdod lleol ar hyn o bryd yn ymgynghori ar gynnig trefniadaeth ysgolion a allai effeithio ar nifer derbyn yr ysgolion hyn o fis Medi 2025 os bydd yn mynd rhagddo. Gellir dod o hyd i fanylion y cynnig, gan gynnwys ei effaith bosib ar nifer derbyn yr ysgol yn https://www.abertawe.gov.uk/trefniadaethysgolionCAAymgynghori  Bydd y wefan hon yn cynnwys yr holl wybodaeth ddiweddaraf am y cynnig, gan gynnwys canlyniad yr ymgynghoriad a phenderfyniad y Cabinet yn dilyn yr ymgynghoriad. Bydd y nifer derbyn cyhoeddedig yn y llyfryn Gwybodaeth i Rieni hwn yn cael ei ddiweddaru yn unol â hynny os gwneir penderfyniad terfynol yn dilyn yr hysbysiad statudol priodol.

Mae'n bwysig eich bod yn ymwybodol mai syniad yn unig o nifer y lleoedd sydd ar gael yw'r ffigur a roddir ar gyfer dosbarth meithrin. Nid oes nifer derbyn penodol ar gyfer dosbarthiadau meithrin. Bydd nifer y lleoedd sydd ar gael bob blwyddyn yn dibynnu ar amrywiaeth o ffactorau ac fe'u pennir ar ôl ystyried yr holl faterion perthnasol. 

Mae cyfanswm rhif y lleoedd yn rhoi syniad o nifer y lleoedd sydd ar gael ar draws y flwyddyn gyfan. Ar gyfer mynediad i grŵp blwyddyn penodol, y rhif derbyn yw'r ffactor pwysig, a dyma'r rhif y dylid ei ystyried pan ddyrennir lleoedd. 

Mae'r holl ysgolion yn Abertawe yn ysgolion dydd. Nid oes ysgolion preswyl.