System rheoli llyfrgelloedd newydd ar gyfer Llyfrgelloedd Abertawe - bellach yn fyw

Mae'n bosib nawr i gwsmeriaid fenthyca, dychwelyd, adnewyddu a gwneud cais am lyfrau ac eitemau eraill, yn bersonol neu dros y ffôn.

Mae porth newydd y llyfrgell a'r catalog ar-lein bellach ar gael yma: porth y llyfrgell (Yn agor ffenestr newydd)

Gallwch ddefnyddio'r ddolen hon i fewngofnodi a rheoli eich cyfrif ar-lein, adnewyddu a gwneud cais am eitemau a chael mynediad at wasanaethau digidol ac adnoddau ar-lein.  

Cofiwch adnewyddu eich llyfrau llyfrgell i osgoi derbyn ffi am ddychwelyd llyfrau'n hwyr. Gallwch wneud hyn drwy fynd ar y porth ar-lein neu drwy ffonio'r llyfrgell neu ymweld â hi. Nid yw ein system hysbysiadau drwy negeseuon testun ac e-byst ar gael eto ar ein system newydd, mae hyn yn cael ei ddatrys ar hyn o bryd.

Gall unrhyw un ymuno â'r llyfrgell yn bersonol ac ar-lein drwy borth y llyfrgell.

Mae'r peiriannau hunanwasanaeth yn y Llyfrgell Ganolog bellach ar gael.

Bydd ap newydd y llyfrgell yn cael ei lansio nes ymlaen yn 2025.

Gall cwsmeriaid barhau i ddefnyddio Wi-Fi a chyfrifiaduron personol y llyfrgell fel arfer.

Mae data cofnodion cwsmeriaid yn cael ei ddiogelu dan gytundebau diogelu data priodol a phrotocolau diogelwch systemau. Mae darparwr y system newydd yn gweithio gydag awdurdodau llyfrgelloedd ledled Cymru, yn debyg iawn i'r cyflenwr blaenorol.

Bydd datganiadau ar gyfer sut y caiff eich data ei ddiogelu ar gael i gwsmeriaid unwaith y bydd y system newydd ar waith yn llawn. Gellir gweld hysbysiad preifatrwydd Cyngor Abertawe yma: Hysbysiad preifatrwydd. 

Mae staff y llyfrgell wrth law i ateb unrhyw ymholiadau sydd gennych am y newid hwn:

• siaradwch â rhywun yn eich llyfrgell leol
• e-bostiwch llinelllyfrgelloedd@abertawe.gov.uk
• ffoniwch 01792 637503

Hoffai'r Gwasanaeth Llyfrgelloedd ddiolch i gwsmeriaid am eu hamynedd a'u cydweithrediad yn ystod y cyfnod hwn. Byddwn yn parhau i ddiweddaru'r wybodaeth ar y dudalen hon nes bod y gwaith trosglwyddo wedi'i gwblhau'n llawn.