Beicio

Ewch ar eich beic gyda llwybrau beicio gwych yn Abertawe ar gyfer teithio a hamdden, rhan o'r Rhwydwaith Beicio Cenedlaethol (llwybrau 4 a 43) a Lôn Geltaidd y Gorllewin.

Mae beicio'n gwella'ch iechyd a'ch lles wrth leihau eich ôl-troed carbon ac mae'n ffordd ddifyr, mwy cynaliadwy o deithio na theithiau byr mewn car.

Mae teithio ar feic yn gyflymach nag y meddyliwch ac mae'n helpu i leihau tagfeydd ar y ffyrdd i bobl sy'n gorfod gyrru.

Hybiau beicio Hybiau beicio

Mapiau a llwybrau

Mae nifer o lwybrau beicio sy'n addas i deuluoedd yn ogystal â llwybrau beicio mynydd mwy heriol yn Abertawe a Gŵyr a'r cyffiniau.

Darn gwastad 5 milltir o hyd yw Promenâd Abertawe sy'n dilyn Bae Abertawe, ac mae'n ddelfrydol ar gyfer beicio.

Mae llwybrau ceffyl cyhoeddus i'w defnyddio gan gerddwyr, marchogion a beicwyr. Fodd bynnag, mae'n ofynnol i feicwyr ildio i gerddwyr a marchogion: Map Hawliau Tramwy Cyhoeddus

Mae gan lawer o barciau a mannau awyr agored lwybrau defnydd a rennir: A-Y o barciau, gwarchodfeydd natur a mannau awyr agored

Rhagor o wybodaeth am feicio am hwyl ym Mae Abertawe a Gŵyr: Beicio ym Mae Abertawe (Croeso Bae Abertawe) (Yn agor ffenestr newydd)

Rydyn ni'n gweithio'n gyson i wella'r rhwydwaith teithio llesol yn Abertawe.

Map Beicio Bae Abertawe (PDF) [23MB] - map manwl o lwybrau beicio a llwybrau defnydd a rennir - er bod y map hwn yn rhoi trosolwg manwl, fe'i lluniwyd yn 2018 felly mae llwybrau teithio llesol mwy newydd ar goll.

Map Llwybrau Bae Abertawe (PDF) [1MB] - yn tynnu sylw at leoliadau a chysylltiadau allweddol â dulliau trafnidiaeth eraill fel rheilffyrdd, bysiau a hybiau llogi beiciau.

Adrodd am broblem a rhagor o wybodaeth am gynnal a chadw llwybrau beicio a theithio llesol Cynnal a chadw ffyrdd a llwybrau troed

Cynllun llogi beiciau 'Santander Cycles'

Gall myfyrwyr, staff ac aelodau'r cyhoedd logi beiciau mewn chwe gorsaf o amgylch Bae Abertawe, gan ddarparu ffordd hwyliog, iach a fforddiadwy o fynd o gwmpas y ddinas.

Gellir llogi beiciau a'u dychwelyd i orsafoedd yn y chwe lleoliad canlynol:

Campws Parc Singleton Prifysgol Abertawe
Canolfan Ddinesig
Amgueddfa Genedlaethol y Glannau
Parcio a Theithio Ffordd Fabian
Campws y Bae Prifysgol Abertawe
Promenâd y Mwmbwls (ger Gerddi Southend)

Gallwch gael yr holl wybodaeth y mae ei hangen arnoch am gofrestru ar gyfer Santander Cycles Abertawe, gan gynnwys gwybodaeth am sut i ddod o hyd i'r beiciau, eu rhentu, mannau parcio a'u dychwelyd, ar wefan y cynllun: Santander Cycles Prifysgol Abertawe (nextbike.co.uk) (Yn agor ffenestr newydd)

Rheolir gan Brifysgol Abertawe, mewn partneriaeth â'r darparwr rhannu beiciau, nextbike a Santander.

Rheolau'r Ffordd Fawr

Mae Rheolau'r Ffordd Fawr (rheolau ar gyfer beicwyr) yn darparu rheolau ar gyfer beicwyr a fydd yn helpu i'ch cadw chi a defnyddwyr eraill y ffordd yn ddiogel: Rheolau'r Ffordd Fawr - rheolau i feicwyr (GOV.UK) (Yn agor ffenestr newydd)

Bydd deall yr arwyddion ar hyd llwybrau beicio yn eich helpu i gyrraedd eich cyrchfan yn ddiogel. Mae Rheolau'r Ffordd Fawr yn dangos llawer o'r arwyddion a ddefnyddir yn gyffredin ar lwybrau teithio llesol a phriffyrdd: Rheolau'r Ffordd Fawr - arwyddion traffig (GOV.UK) (Yn agor ffenestr newydd)

Gwella diogelwch

Dyma rai awgrymiadau ychwanegol a fydd hefyd yn helpu i'ch cadw'n ddiogel wrth feicio:

Byddwch yn ddiogel

Gwisgwch helmed a dillad amddiffynnol eraill
Gwnewch yn siŵr eich bod yn weladwy i eraill
Gwiriwch eich brêcs, eich teiars a'ch goleuadau'n rheolaidd

Byddwch yn wyliadwrus

Byddwch yn effro i beryglon posib
Byddwch yn barod i arafu neu stopio
Dylech osgoi goddiweddyd eraill yn ddiangen
Cadwch bellter diogel oddi wrth eraill

Byddwch yn ystyriol

Cadw i'r chwith lle bo'n bosib
Dylech osgoi gwyro'n sydyn
Byddwch yn ymwybodol o ddefnyddwyr eraill
Ildiwch i gerddwyr
Defnyddiwch eich cloch neu gweiddwch i rybuddio eraill
Defnyddiwch ein llwybrau mewn ffordd sy'n dangos ystyriaeth i'r holl ddefnyddwyr

Mae gofalu am eich beic mor hawdd ag A-B-C

Mae A ar gyfer aer
Sicrhewch fod digon o aer yn eich teiars ar bob adeg a gwiriwch fod yr olwynion yn troi heb unrhyw rwystrau. Os nad ydyn nhw, gwiriwch a yw'r brêcs neu'r giardau olwynion yn rhwbio.

Mae B ar gyfer brêcs
Y rhan bwysicaf o feic! I wirio'r brêc blaen, gwthiwch y beic ymlaen ac yna defnyddiwch y lifer (yr un ar y llaw dde fel arfer). Dylai'r beic stopio. Ar gyfer y brêc cefn, gwnewch yr un peth ond gwthiwch y beic am yn ôl. Os nad ydych yn siŵr, gofynnwch i rywun arall ei wirio.

Mae C ar gyfer cadwyni, ceblau a chocos
Chwiliwch am geblau sydd wedi'u treulio, irwch y gadwyn a gwiriwch nad yw cyrn y beic na'r sêt yn symud.

Prynu beic

Mae sawl ffordd y gallwch chi gael gafael ar feic. Os ydych am brynu beic, mae digon o siopau arbenigol yn Abertawe sy'n darparu gwasanaeth gwych, gan eich helpu i gael eich beic perffaith! Dod o hyd i siop (The Cycling Experts) (Yn agor ffenestr newydd)

Mae Cynlluniau 'Beicio i'r Gwaith' hefyd yn ffordd wych o brynu beic drwy eich gweithle. Sicrhewch eich bod yn gwirio gyda'ch cyflogwr a ydyw eisoes wedi cofrestru, gan y gallai arbed arian i chi ar feic gwaith newydd.

Llogi beic

Gallwch rentu beic drwy gynllun llogi beiciau. Mae'r cynllun poblogaidd Santander Cycles (Yn agor ffenestr newydd) a grybwyllwyd uchod yn cynnig llogi beiciau o chwe gorsaf o amgylch Bae Abertawe ac mae Tawe Bikes (Yn agor ffenestr newydd) yn cynnig gwasanaeth llogi o dri hwb ar hyd Llwybr 43 y Rhwydwaith Beicio Cenedlaethol (Cwm Tawe). Yn ogystal â hyn, mae BikeAbility Wales (Yn agor ffenestr newydd) yn cynnig amrywiaeth o feiciau i'w llogi sy'n galluogi pobl o bob oed a gallu i gael mynediad at feicio. Mae hyn yn cynnwys llogi beiciau arbenigol, llogi beiciau dwy olwyn, a hyfforddiant beicio.

Cynnal a chadw'ch beic

Bydd angen cynnal a chadw ac atgyweirio beiciau ar ôl llawer o ddefnydd ac mae'n bwysig sicrhau bod eich beic yn gweithio'n dda. Diolch byth, mae digon o ddarparwyr atgyweirio beiciau yn Abertawe a fydd yn gallu sicrhau bod eich beic yn barod i'w ddefnyddio eto.

Darparwyr cyrsiau cynnal a chadw beiciau

Parcio beiciau'n ddiogel

Mae llawer o bethau hawdd y gallwch chi eu gwneud i sicrhau bod eich beic wedi'i barcio'n ddiogel. Gall hyn amrywio o ddewis clo beic da i barcio mewn lleoliad sydd wedi'i oleuo'n dda.

Cycle hubs

Hyfforddiant beicio

Rydym yn darparu hyfforddiant beicio i blant ysgol i Safon Genedlaethol Lefel 1, 2 a 3 ac yn helpu i'w paratoi i fod yn ddefnyddwyr ffyrdd annibynnol, ond mae cyrsiau sgiliau beicio yn ffordd wych o fagu hyder mewn beicio ar unrhyw gam o'ch bywyd. Caiff rhai darparwyr yn ardal Abertawe eu nodi isod:

Grwpiau beicio

Mae digon o grwpiau a chlybiau beicio yn Abertawe - dyma rai ohonynt:

Hybiau beicio

Gadewch eich beic mewn lle diogel drwy gydol y dydd neu dros nos. Mae gennym loceri diogel ym maes parcio'r Cwadrant yng nghanol y ddinas ac ar safle parcio a theithio Fabian Way.

Addaswyd diwethaf ar 28 Mehefin 2023