Toglo gwelededd dewislen symudol

Y Storfa

Mae canolfan gwasanaethau cymunedol amlbwrpas newydd o'r enw Y Storfa yn cael ei datblygu yn hen uned BHS ar Stryd Rhydychen.

Y Storfa impression.

Y Storfa impression.

Bydd yn hyrwyddo cydlyniant cymunedol, cyfleoedd ar gyfer hunanddatblygiad a thwf, cynhwysiant digidol, lles, undod a chryfder ar draws cymunedau amrywiol Abertawe.

Bydd Y Storfa yn hygyrch i bawb a bydd yn darparu ystod o wasanaethau mewn amgylchedd croesawgar lle gallwch gwrdd ag eraill a chymryd rhan mewn gweithgareddau cymdeithasol, grwpiau dysgu a chymorth.

Bydd yn darparu llety ystwyth i sefydliadau'r trydydd sector, cyrff sector cyhoeddus a chwmnïau'r sector preifat sy'n cymeradwyo ethos hwb cymunedol.

Bydd lle swyddfa hyblyg, cydweithredol yn cefnogi'r gymuned i ganfod a darparu atebion i wella ansawdd bywyd lleol. Mae'r gwasanaethau y cadarnhawyd y byddant yn meddiannu'r Storfa maes o law yn cynnwys prif lyfrgell gyhoeddus y ddinas, Gwasanaeth Archifau Gorllewin Morgannwg, gwasanaeth refeniw a budd-daliadau'r cyngor, canolfan gwasanaethau cwsmeriaid y cyngor, Gyrfa Cymru, Abertawe'n Gweithio Cymru a Chyngor ar Bopeth Abertawe Castell-nedd Port Talbot. Bydd gwasanaethau eraill sy'n bwriadu symud yno'n cael eu cyhoeddi maes o law.

Disgwylir i'r Storfa agor yn 2025. Mae'r gwaith adeiladu yno'n cael ei arwain gan The Kier Group.

Newyddion diweddaraf

Rhannu'r dudalen hon

Eicon Facebook Eicon Twitter Eicon e-bost

Argraffu

Eicon argraffu
Addaswyd diwethaf ar 21 Gorffenaf 2025